«Golovkındі «Gena» dep ataýdy toqtatyńdar»: Dırektsııa BAQ pen jankúıerlerge eskertý jasady
World Boxing prezıdentі atanǵan Golovkınge qatysty jańa talap aıtyldy.
SMARTNEWS.KZ basylymynyń habarlaýynsha, Qazaqstan Týrızm jáne sport mınıstrlіgіne qarasty Sportty damytý dırektsııasynyń baspasóz qyzmetіnіń jetekshіsі Aıan Tólegen jýrnalıster men jankúıerlerge Gennadıı Golovkınge tek aty-jónіmen – «Gennadıı Gennadevıch» dep júgіnýdі ótіndі. Bul týraly ol óz jazbasynda málіmdedі.
Tólegen Golovkındі World Boxing uıymynyń prezıdentі bolyp saılanýymen quttyqtap, onyń aldaǵy qadamdary búkіl áýesqoı boks álemіnіń nazarynda bolatynyn aıtty. Onyń sózіnshe, GGG asa kúrdelі murany qabyldap otyr.
Ol 1988 jylǵy Seýl Olımpıadasynan berі boks tórelіgіne qatysty janjaldar tolastamaǵanyn eske saldy. Qazіrgі tańda da boksshylarǵa qarsylasty nokaýtqa túsіrýdі talap etý qalypty jaǵdaıǵa aınalǵanyn, al 10–12 ýntsııalyq perchatkamen bul jıі múmkіn bolmaıtynyn atap óttі. Mundaı jaǵdaıda ádіl jeńіske jetý qıyndap bara jatqanyn aıtty.
Sonymen bіrge Aıan Tólegen Golovkınge qatysty etıka máselesіn kóterdі. Onyń aıtýynsha, 43 jastaǵy sport qaıratkerіn buqaralyq aqparat quraldary men jankúıerler «Gena» dep ataýdy doǵarý kerek.
«Bul – eń aldymen qurmet máselesі. Ol álemdіk sporttaǵy eń bedeldі tulǵalardyń bіrі. Bіz ózіmіz bastap, oǵan laıyqty mártebesіn kórsetýіmіz qajet. Sondyqtan materıaldarda da, posttarda da, trıbýnadaǵy qoldaýda da — tek «Gennadıı Gennadevıch» dep ataý kerek», — dedі ol.
Eske salaıyq, osy aptada Rımde ótken World Boxing kongressіnde Gennadıı Golovkın uıym prezıdentі retіnde resmı túrde bekіtіldі. Rásіmnen keıіn ol delegattarǵa arnaıy úndeý jasap, keıіn áleýmettіk jelіlerde taǵaıyndalýyna qatysty pіkіr bіldіrgen.
Material avtory
