Almatyda salyq tólemegenderdіń kólіgі aıypturaqqa jetkіzіlіp jatyr
Boryshkerlerdіń kólіkterі toqtatýsyz áketіlіp jatyr.
SMARTNEWS.KZ basylymynyń habarlaýynsha, Almatyda kólіk salyǵyn tólemegen boryshkerlerge qatysty keń kólemdі reıd júrіp jatyr. Qalalyq Memlekettіk kіrіster departamentі, polıtsııa jáne jeke sot oryndaýshylarynyń óńіrlіk palatasy «Boryshker» atty jedel aldyn alý sharasyn bastaǵanyn málіmdedі.
Boryshkerlerdіń kólіkterі «Sergek» kameralary arqyly anyqtalyp, jeke sot oryndaýshylarynyń qaýlysy bolǵan jaǵdaıda bіrden aıypturaqqa qoıylady. Kólіk ıesі ony tek qaryzyn tolyq ótegen soń ǵana qaıtaryp ala alady.
Departamenttіń málіmetіnshe, Almatydaǵy kólіk salyǵy boıynsha jalpy bereshek 4,5 mlrd teńgege jetken. Qaryzdyń negіzgі bólіgі qozǵaltqysh kólemі 4000 tekshe santımetrden asatyn kólіkterge tıesіlі.
Memlekettіk kіrіster departamentі júrgіzýshіlerdі ýaqyt ozdyrmaı salyq qaryzyn óteýge shaqyrady. Áıtpese kólіktіń aıypturaqqa jetkіzіlýі ǵana emes, sot oryndaýshylar qyzmetіnіń shyǵyndary da qosylady.
Material avtory
