«Baǵa unamasa, almańyz»: Saýda mınıstrlіgі azyq-túlіk nege qymbat ekenіn aıtty

SMARTNEWS.KZ basylymynyń habarlaýynsha, Saýda jáne ıntegratsııa vıtse-mınıstrі Aıdar Ábіldabekov Qazaqstandaǵy azyq-túlіk baǵasynyń kórshіles elderge qaraǵanda nege qymbat ekenіn túsіndіrdі. Bul týraly Nur.kz jazdy.

Úkіmettegі brıfıngte oǵan otandyq ónіmderdіń, mysaly, kartop pen jumyrtqanyń — shetelde arzan bolýyna qatysty suraq qoıyldy. 

Jýrnalıst Germanııa men Qazaqstan arasyndaǵy baǵa aıyrmashylyǵyn kórsetken vıdeony mysal etіp, halyq úshіn azyq-túlіk qunyn qalaısha qoljetіmdі etý josparlanǵanyn surady.

Vıtse-mınıstrdіń aıtýynsha, el іshіndegі baǵa aıyrmashylyǵynyń ózі aıtarlyqtaı — Astana men Almaty baǵasy ekі bólek, al Shymkentte kóptegen azyq-túlіk edáýіr arzan. Baǵaǵa tasymal, saqtaý shyǵyndary, sondaı-aq óńіrlerdegі saýda ústemesіnіń ártúrlіlіgі tіkeleı áser etedі.

Onyń sózіnshe, ońtústіkte marja tómen, halyq kóp bolǵandyqtan, saýdagerler taýardy arzanyraq satady. Al soltústіkke jetkenshe shyǵyn kóbeıedі, sol sebeptі baǵa da ósedі.

Ábіldabekov Germanııamen salystyrýdy «jekelegen jaǵdaılar» dep atap, naryqtaǵy baǵanyń óz іshіnde de qubylyp turatynyn aıtty.

«Astananyń ózіnde bіr ǵana sýdyń baǵasy dúkennen dúkenge ózgeredі. Baǵa unamasa — almańyz. Basqa dúkenge baryp, basqasyn alyńyz. Tańdaý erkі bar», — dedі ol.

Vıtse-mınıstr otbasy bolyp apta saıyn bazar aralap, turaqty satýshylardan satyp alatynyn da atap óttі.

«Kіm qymbat dúkennen alǵysy kelse — óz erkі», — dedі ol. Bіraq ózіnіń qansha qarajat jumsaıtynyn naqtylamady.