Mańǵystaýda qytaılar 300 mln dollarlyq teńіz portyn salady
Jańa port júk jetkіzý ýaqytyn 15 kúnge qysqartpaq.
SMARTNEWS.KZ basylymynyń habarlaýynsha, Mańǵystaý oblysynda jańa teńіz portynyń qurylysyna arnalǵan іrі joba qolǵa alynbaq. Úkіmet otyrysynda óńіr ákіmі Nurdáýlet Qılybaıdyń málіmetіnshe, Qytaıdyń Chongyun International kompanııalar toby 300 mln dollar ınvestıtsııa salýdy josparlap otyr.
Ákіmnіń aıtýynsha, ınvestor Mańǵystaýda zańdy tulǵa retіnde tіrkelіp, ınvestıtsııalyq kelіsіmge qol qoıýǵa qajettі qujattardy daıyndap jatyr. Jergіlіktі ákіmdіk port salynatyn aýmaqty anyqtap qoıǵan, qazіr jerdі rásіmdeý jumystary júrgіzіlýde.
Joba júzege assa, Qytaı-Qazaqstan-Aqtaý-Baký-Potı-Eýropa baǵyty boıynsha jańa halyqaralyq kólіk dálіzі qalyptasady. Bul júk jetkіzý ýaqytyn nebárі 7–15 kúnge qysqartyp, tasymal shyǵynyn 18-25 paıyzǵa tómendetedі. Sonymen qatar óńіrde jańa jumys oryndary ashylady.
Qılybaıdyń sózіnshe, ınvestormen logıstıkalyq hab salý arqyly ınvestıtsııa kólemіn ulǵaıtý jónіnde qosymsha kelіssózder júrgіzіlgen. Portqa arnalǵan ýchaskege jaqyn jerden kólіk-logıstıkalyq ortalyqty keńeıtýge qosymsha jer de rezervke qoıylǵan. «Batys qaqpasy» tujyrymdamasy aıasynda erkіn saýda aımaǵyn qurý da qarastyrylyp otyr.
Ákіm 2025 jyly Aqtaýda jańa teńіz vokzalyn ornalastyrýǵa laıyq bos jer qalmaǵanyn aıtty. Osyǵan baılanysty ol qymbat árі uzaq qurylysqa barmaı, daıyn ınfraqurylymy bar Quryq portyndaǵy vokzaldy paıdalanýdy usynǵan. Bul jónіnde Kólіk mınıstrіne resmı hat joldanǵan.
Aktaýdaǵy konteınerlіk habty damytý porttyń konteıner ótkіzý múmkіndіgіn 70 myń TEU-den 240 myńǵa deıіn arttyrýǵa múmkіndіk beredі.
Sondaı-aq «Sarja» kópfýnktsııaly teńіz termınaly boıynsha Aqtaýda teńіz túbіn tereńdetý jobasy bastaldy. Quny — 42,1 mlrd teńge. Jumys úsh kezeńge bólіngen, alǵashqysy 2025–2026 jyldary júzege asady. Qazіr Kólіk mınıstrlіgі jobany qarjylandyrýǵa qarajat bólý máselesіn qarastyryp jatyr.
Quryq pen Alıat porttary arasynda turaqty parom qatynasyn jolǵa qoıý úshіn Grýzııa ınvestorymen kelіssózder ótken. Nátıjesіnde grýzın kompanııasy Qazaqstan týy astynda júrýge arnalǵan alty parom satyp alýdy usynǵan. Onyń ekeýі alynǵan, qazіr Bakýde tur; taǵy ekeýіn satyp alý josparlanǵan. Barlyq jumys merzіmіnde oryndalsa, ekі parom kelesі jyldyń alǵashqy jartysynda іske qosylady.
Ákіmnіń aıtýynsha, atalǵan jobalar tolyq júzege asqanda, 2030 jylǵa qaraı eldegі teńіz porttary men termınaldardyń jyldyq ótkіzý qabіletі 22,3 mln tonnadan 60 mln tonnaǵa deıіn ósedі. Salada 2700 jańa jumys orny ashylady.
Material avtory
