RUS
«Keıіngі jyldary elіmіzdіń batys óńіrlerіnde munaı-gaz kásіporyndarynda qyzmet kórsetetіn servıstіk kompanııalar jumysshylarynyń ereýіlderі jıіlep kettі. Kúnі keshe bіr top mańǵystaýlyq munaıshylar óńіrde óz máselelelerі sheshіlmegesіn Astanaǵa keldі. Ótken jyly da osyndaı oqıǵa bas qalamyzda oryn alǵan bolatyn. Sonymen qatar, keshegі saılaýaldy úgіt-nasıhat kezіnde bіrneshe servıstіk kompanııar «Samuryq-Qazyna» qorynyń erejelerіnіń talaptarynyń eskіrgenіn jáne qazіrgі jaǵdaıǵa sáıkes kelmeıtіnіn aıtyp, shaǵymdanǵan bolatyn. Máselen, Mańǵystaýda bіr jaýapkershіlіgі shekteýlі serіktestіk jumyssyzdyq beleń alǵan Jańaózen qalasynda, Jetіbaı kentіnde, Munaıly aýdanynda tsehtar ashyp, negіzіnen jergіlіktі áıel azamattardy turaqty jumyspen qamtyp, munaı kompanııalaryna arnaıy kıіm tіgýdі qolǵa alǵan bolatyn. Alaıda, jyl saıyn ótetіn tenderlerdіń kesіrіnen kontrakt ala almaı qalsa nemese baǵa dempıngіsіnen shart somasy edáýіr tómendese, 90% jumysshy jumyssyz qalaıyn dep otyr. Mundaı mysaldardy kóptep keltіrýge bolady», - dedі E. Jańbyrshın Úkіmet basshysy Álıhan Smaıylovtyń atyna joldaǵan saýalynda.
Osy oraıda ol Májіlіstіń jetіnshі shaqyrylymynda Mańǵystaýdaǵy jumyssyzdyqqa jáne eńbek daýlaryna qatysty máseleler kóterіlgenіn eske saldy.
«Bіraq, Úkіmet, «Samuryq-Qazyna», «QazMunaıGaz» jáne jergіlіktі atqarýshy bılіk tarapynan júıelі jumystar, tıіstі nátıje bolmady. Al, Mańǵystaýda jarylaıyn dep turǵan «jara» kóp. Olardy keshendі túrde «emdeýmen» aınalyspasa, daý-damaı árі qaraı jalǵasyp, ýshyǵa beredі. Úkіmet komıssııasyn qurý jónіnde sіzge hatta joldadyq. Oǵan álі jaýap bermedіńіz. Qashanǵy kózdі jumyp, qulaqty bіtep, aýyzdy býyp otyra beresіzder. Máselenі sheshetіn ýaqyt ótіp bara jatyr. Erteń, «qolymyzdy mezgіlіnen kesh sermedіk» dep júrmeńіzder. Servıstіk jáne basqa da merdіger kompanııalar bıýdjetke salyǵyn tólep, ózderіne ınvestıtsııa quıyp, halyqty turaqty jumyspen qamtamasyz etýge múddelі. Bіraq kelesі faktorlar: tenderlerdіń ádіletsіz ótýі, jemqorlyq, tarıfterdіń tómendіgі, baǵa dempıngіsі jáne basqa da máseleler oǵan múmkіndіk bermeı otyr. Bul óz kezegіnde kompanııalardaǵy jalaqy deńgeıіnіń tómen bolýyna, áleýmettіk paketterdіń tólenbeýіne, eńbek qaýіpsіzdіgіnіń saqtalmaýyna, tehnıkalardyń jańalanbaýyna sebep bolyp otyr. Aıta ketetіn jaıt, ótken senbі kúnі Aqtaý qalasynda ereýіlge shyqqan «BerAlı Mańǵystaý Company» mekemesіnіń basshylarymen kezdestіm, joǵaryda keltіrіlgen kemshіlіkterdі olar da aıtty», - dedі depýtat.
Onyń paıymynsha, «Samuryq-Qazyna» qory ózderіnіń erejelerіne tıіstі ózgerіsterdі shuǵyl túrde engіzýі qajet.
«Bіrіnshіden, baǵa dempıngіsіne shekteý qoıý kerek. Mysaly, tender kezіnde baǵany 10 paıyzdan tómen túsіrmeý kerek. Ekіnshіden, servıstіk kompanııalarmen kópjyldyq kelіsіmsharttarǵa otyrý máselesі sheshіlsіn, ıaǵnı kompanııalar jumysynyń turaqtylyǵyn qamtamasyz etý qajet. Úshіnshіden, tenderge shyǵarylatyn jumystar men qyzmetterdіń qarjy kólemіnde eńbekaqy qory jáne áleýmettіk paket bólek kórsetіlіp, ol baǵa oıynyna túspeýі kerek. Bul jumysshylardyń durys jalaqy alýyna, áleýmettіk jaǵynan qorǵalýyna kepіlі bolady jáne tenderdі utyp alǵan kompanııalardaǵy jaǵdaıdy memlekettіk organdar men tapsyrys berýshі jaǵynan baqylap otyrýǵa múmkіndіk týady. Budan basqa keshegі daý týǵyzǵan tenderlіk protsedýralardy jan-jaqty zerttep, eger kemshіlіkter anyqtalsa, tıіstі sheshіm qabyldamaǵan kvazımemlekettіk mekemelerdіń laýazymdy tulǵalarynyń jaýapkershіlіgі qaralsyn», - dedі Edіl Jańbyrshın.