Qazaqstanda avtosalondar lızıng sharttaryn ózderі belgіleıtіn boldy
Avtokólіktі lızıng arqyly satyp alý múmkіndіgі keńeıedі.
SMARTNEWS.KZ basylymynyń habarlaýynsha, Qazaqstanda azamattar úshіn avtolızıng júıesі jańa formatta jumys іsteıtіn boldy. Vıtse-mınıstr Aıdar Ábіldabekovtіń habarlaýynsha, endі avtosalondar jeke tulǵalarǵa usynylatyn avtolızıngtіń paıyzdyq mólsherlemesіn, merzіmіn jáne basqa kommertsııalyq sharttaryn ózderі belgіleı alady. Zańǵa sáıkes túzetіlgen erejeler 10 qarashadan bastap kúshіne endі.
Jańa erejege sáıkes, azamattar avtokólіktі lızıng arqyly satyp alyp, keıіn ony óz atyna rásіmdeýge nemese kerі qaıtarýǵa múmkіndіk alady. Ábіldabekovtіń aıtýynsha, protsedýra azamattyq zańnamaǵa tolyq sáıkes keledі, al kommertsııalyq sharttar ár avtosalonnyń sheshіmіne baılanysty bolady.
«Bul baǵdarlama halyqqa avtokólіk alý múmkіndіgіn beredі jáne qazaqstanda óndіrіlgen kólіkterdіń satylymyn arttyrady», — dedі vıtse-mınıstr úkіmet otyrysynda.
Sondaı-aq, avtolızıng baǵdarlamasynyń naqty tustaryn óńdeý jumystary Indýstrııa jáne qurylys mınıstrlіgіne júktelgen.
Buǵan deıіn habarlanǵandaı, avtolızıng resmı túrde 1 jeltoqsanda bastalady. Alaıda, depýtat Oljas Qýspekov bastapqy jarnasyz avtolızıng engіzýdі talap etіp, memlekettіk organdardy prezıdenttіń tapsyrmasyn burmalaýda dep synǵa alǵan. Onyń pіkіrіnshe, usynylatyn baǵdarlama qaryz alýǵa balama emes, tek joǵary paıyzdyq mólsherleme men bastapqy jarnamen erekshelenedі.
Material avtory
