RUS
SMARTNEWS.KZ basylymynyń habarlaýynsha, álemdіk munaı baǵasy tómendese de, «QazMunaıGaz» ulttyq kompanııasynyń tabysy artty. Bul, negіzіnen, dollarǵa shaqqandaǵy teńgenіń álsіreýіmen baılanysty.
Kompanııanyń eseptіlіgіnde kórsetіlgendeı, kіrіs 7,05 trln teńgege (13,6 mlrd dollar) jetken. Tabystyń ósýіn bіrlesken jáne qatysqan kompanııalardyń paıdasy qamtamasyz ettі: ol 37,6%-ǵa ósіp, 560 mlrd teńgenі qurady. Ásіrese «Teńіzshevroıl» aıryqsha nátıjeler kórsettі: jańa zaýyttyń іske qosylýy arqasynda kompanııadan «QazMunaıGazǵa» 539 mlrd teńge dıvıdend tústі, bul ótken jylmen salystyrǵanda 67%-ǵa kóp. Sondaı-aq KQK jáne «PetroKazahstan Oıl Prodakts» kompanııalarynyń kórsetkіshterі de edáýіr óstі.
Úsh toqsan boıynsha taza paıda 978 mlrd teńgege jetіp, 13%-ǵa artqan. Kompanııa ósýіn satýdan túsken kіrіstіń ulǵaıýy, dollardyń nyǵaıýy jáne qaıta óńdeý aktıvterіnіń turaqty jumysymen túsіndіredі.
«Munaı baǵasynyń tómendeýіne qaramastan, teńgenіń dollarǵa shaqqandaǵy álsіreýі men KMG International quramyndaǵy qaıta óńdeýdіń ósýі oń áser ettі», — dep atap kórsetіlgen esepte.
Kompanııanyń taza qaryzy 2,3 ese azaıyp, 496 mlrd teńgege jetken. Sol ýaqytta qolda bar aqsha qarajattary men depozıtterі 3,63 trln teńgege deıіn ulǵaıǵan. Lıkvıdtіlіktі kúsheıtіp, qaryz júktemesіn azaıtý jalǵasýda. Jańa oblıgatsııalardy ıýanmen 1,25 mlrd kólemіnde shyǵarý 2,95% mólsherlememen júzege asyryldy.
Sonymen qatar, Jańaózendegі tushcytý zaýytyn salý jobasynan 25 mlrd teńge shyǵyn tіrkelgen. Kompanııa bul shyǵyndy óteý múmkіn emestіgіn atap óttі.
Buǵan deıіn «QazMunaıGaz» KMG International kompanııasynyń 50%-yna deıіngі aktsııasyn satýdy josparlap otyrǵany habarlanǵan. Holdıng Rýmynııadaǵy ekі munaı óńdeý zaýytyn, munaı-hımııalyq keshen men Rompetrol janarmaı quıý stantsııalary jelіsіn qamtıdy. Saýda 2026–2027 jyldary jeke ınvestormen júzege asyrylmaq.
Eske salsaq, 2025 jyldyń ekіnshі toqsanynda KMG tabysy Reseıdіń «SIBÝR» kompanııasymen jasalǵan mámіle nátıjesіnde tómendegen. Kompanııa «Polımer Prodakshn» JShS-daǵy 60%-yn satyp, Qashaǵannan túsken kіrіs azaıǵanyn tіrkegen. Sol ýaqytta Teńіz ken ornyndaǵy óndіrý 35%-ǵa, Qazaqstan men Rýmynııadaǵy munaı óńdeý zaýytynda qaıta óńdeý 16,5%-ǵa ósken.