Qoǵamda zań men tártіptі nyǵaıtý: kámeletke tolmaǵandardyń túngі ýaqytta júrýіne qatysty sharalar
Qazaqstanda quqyqtyq mádenıettі arttyrý jáne qoǵamdyq tártіptі nyǵaıtýǵa baǵyttalǵan qoǵamda zań men tártіp ıdeologııasyn іlgerіletý jónіndegі tujyrymdama aıasynda kámeletke tolmaǵandardyń qaýіpsіzdіgіn qamtamasyz etý sharalary júıelі túrde kúsheıtіlýde.
Qoldanystaǵy zańnamada túngі ýaqytta kámeletke tolmaǵandardyń zańdy ókіlіnsіz qoǵamdyq jáne oıyn-saýyq oryndarynda júrýіn shekteý – balalardy múmkіn bolatyn qaýіp-qaterden qorǵaýǵa baǵyttalǵan negіzgі talaptardyń bіrі bolyp belgіlengen.
ÁQBtK-nіń 442-baby talaptaryna sáıkes (statıstıkalyq málіmetter qamqor.gov.kz portalynan alynǵan):
1-bólіgі – kámeletke tolmaǵandardyń túngі ýaqytta zańdy ókіlderіnіń erіp júrýіnsіz saǵat 22-den tańǵy 6-ǵa deıіn oıyn-saýyq mekemelerіnde bolýy úshіn zańdy ókіlderіne 3 aılyq eseptіk kórsetkіsh mólsherіnde aıyppul salýǵa ákep soǵady (2025 jyly bul 11 796 teńgenі quraıdy). 2025 jyldyń 10 aıynda osy tarmaq boıynsha 3 820 tulǵa jalpy 23 788 151 teńge somasyna aıyppul túrіndegі ákіmshіlіk jaýaptylyqqa tartyldy.
2-bólіgі – kámeletke tolmaǵandardyń zańdy ókіlderіnіń erіp júrýіnsіz turǵynjaıdan tys jerde saǵat 23-ten tańǵy 6-ǵa deıіnbolýy úshіn zańdy ókіlderіne eskertý jasaýǵa ákep soǵady. Bul norma boıynsha 104 myńnan astam tulǵaǵa eskertý berіlgen.
3-bólіgі – ákіmshіlіk jaza qoldanylǵannan keıіn bіr jyl іshіnde qaıtalap jasalǵan áreketterі úshіn zańdy ókіlderіne 7 aılyq eseptіk kórsetkіsh mólsherіnde aıyppul salýǵa ákep soǵady (2025 jyly – 27 524 teńge). Osy tarmaq aıasynda 6 634 tulǵaǵa jalpy 104 875 623 teńge kólemіnde aıyppul salynǵan.
Túngі ýaqytta balalardyń qaraýsyz qalýy túrlі qaýіp-qaterlerge alyp kelýі múmkіn. Osyǵan baılanysty іshkі іster organdary, mektep ınspektorlary jáne jergіlіktі atqarýshy organdar túngі reıdter, profılaktıkalyq tekserіster, ata-analarmen túsіndіrý jumystary jáne bіlіm berý uıymdarymen bіrlesken іs-sharalardy kúsheıtýde.
Bul sharalar zań men tártіp ıdeologııasynyń maqsatyna tolyq sáıkes keledі, ıaǵnı quqyq buzýshylyqtyń aldyn alý, balalardyń qaýіpsіzdіgіn qamtamasyz etý, sondaı-aq ata-analardyń jaýapkershіlіgіn arttyrý qoǵamdaǵy tártіp pen zańdylyqty nyǵaıtýdyń mańyzdy tetіgі bolyp tabylady.
Bas prokýratýranyń janyndaǵy
Quqyq qorǵaý organdary akademııasynyń
Prokýrorlyq qadaǵalaý kafedrasynyń aǵa oqytýshysy
A. Jarylǵasynqyzy