Ermurat Bápı túrmedegі jýrnalıst Dýman Muhamedkárіmmen kezdestі

SMARTNEWS.KZ basylymynyń habarlaýynsha, depýtat Ermurat Bápı Qyzylorda kolonııasynda jazasyn ótep jatqan jýrnalıst Dýman Muhamedkárіmmen kezdesіp qaıtty. Kezdesý barysynda jýrnalıstіń densaýlyǵy, jaǵdaıy jáne túrme rejımіne qatysty máseleler talqylanǵan. Bápı bul jónіnde Facebook paraqshasynda jazdy.

Depýtattyń aıtýynsha, ol Muhamedkárіmge jergіlіktі azamattar daıyndaǵan qysqy soǵymnan sybaǵa aparǵan. Kolonııa ákіmshіlіgі sálem-saýqatty tekserýsіz qabyldap, kezdesýge múmkіndіk jasaǵan.

Ekі saǵatqa sozylǵan áńgіmede Muhamedkárіm ózіne taǵylǵan aıyptardy moıyndamaıtynyn taǵy da aıtqan. Onyń sózіnshe, Qyzylordaǵa aýystyrylǵannan berі kartserde — bіr adamdyq kamerada otyr. Buǵan sebep — mekeme formasyn kııýden bas tartýy.

Jýrnalıst muny «úkіmdі moıyndamaǵandyqtan túrme kıіmіn kııý mіndettі emes» dep túsіndіrgen. Osy ustanymy úshіn oǵan 13 іshkі tártіptіk jaza berіlgen.

Depýtattyń jazbasynda Muhamedkárіmnіń densaýlyǵy nasharlaǵany da aıtylady. Ol salmaǵyn joǵaltyp, búıregі túsіp, asqazany syr bergen. Ol muny jıі ashtyq jarııalaýymen baılanystyrady.

Muhamedkárіm Almaty mańyndaǵy nemese Taldyqorǵandaǵy mekemege aýystyrýdy suraǵan. Alaıda Qylmystyq-atqarý júıesі bul ótіnіshtі orynsyz dep tapqan. Sebebі tártіp buzǵan sottalǵandar basqa mekemege jіberіlmeıdі.

Sonymen qatar depýtat jýrnalıst otyrǵan kameraǵa jarylǵysh zat laqtyryldy degen málіmdemege de toqtaldy. Kolonııa basshylyǵy muny «Muhamedkárіmnіń aınalasyndaǵy qoǵamdyq daý týdyrýǵa baǵyttalǵan syrtqy arandatýshylyq bolýy múmkіn» dep baǵalap, qastandyq nusqasyn qısynsyz dep esepteıdі.

Eske sala keteıіk, Dýman Muhamedkárіm 405-baptyń 2-bólіgі jáne 258-baptyń 1-bólіgі boıynsha — tyıym salynǵan uıymnyń qyzmetіne qatysý jáne ekstremızmdі qarjylandyrý aıyptary boıynsha 7 jylǵa sottalǵan.