Frantsııada Reseı paıdasyna tyńshylyq jasady degen kúdіkpen úsh adam ustaldy
Kúdіktіler Parıjde proreseılіk úgіt júrgіzdі degen aıypqa іlіndі.
SMARTNEWS.KZ basylymynyń habarlaýynsha, Frantsııa bılіgі Reseı múddesіne jumys іstedі degen kúdіkke іlіngen SOS Donbass uıymyna qatysty tergeý aıasynda úsh adamdy ustady. Tergeý materıaldary boıynsha, kúdіktіler el іshіnde qoǵamdyq pіkіrdі Máskeý paıdasyna ózgertýge tyrysqan.
AFP agenttіgіnіń habaryna sáıkes, 26 qarashaǵa qaraǵan túnі ekі er adam men bіr áıel ustalǵan. Olar Reseıdіń paıdasyna tyńshylyq jasaýǵa jáne aqparattyq yqpal etýge talpynǵan degen kúdіkke іlіkken.
Parıj prokýratýrasy Reseı azamaty, 40 jastaǵy Vıacheslav P.-nіń qyrkúıek aıynda Saltanat qaqpasyna proreseılіk posterler іlgenіn málіmdedі. Ol beınebaqylaý arqyly anyqtalǵan. Plakattardy japsyrǵannan keıіn kúdіktі SOS Donbass uıymynyń jetekshіsі Anna N. men taǵy bіr azamatqa habarlasqan.
Anna N. — Reseı jáne Frantsııa azamattyǵy bar 40 jastaǵy áıel. Tergeý onyń frantsýz ekonomıkasyndaǵy tulǵalardan aqparat alýǵa tyrysqanyn anyqtap otyr. Memlekettіk qaýіpsіzdіk qyzmetі DGSI ony jyl basynan berі baqylaýǵa alǵan. Tergeý organdary ony «shet memlekettіń paıdasyna tyńshylyq jasady» dep kúdіktep, oǵan 10 jylǵa deıіn bas bostandyǵynan aıyrý jazasy qarastyrylýy múmkіn.
Úshіnshі kúdіktі — 63 jastaǵy Vınsent P., Parıj mańynda turady. Al tórtіnshі kúdіktі — 58 jastaǵy Bernar F. — qamaýǵa alynbaǵanymen, sot baqylaýyna alynyp, polıtsııaǵa apta saıyn belgі berý mіndetteldі.
Ózderіn gýmanıtarlyq uıym retіnde tanystyratyn SOS Donbass shyǵys Ýkraınaǵa kómek jetkіzemіz dep málіmdeıdі. Alaıda frantsýz barlaý qyzmetі bul qurylymdy Frantsııada tyńshylyq jáne eldі destabılızatsııalaý áreketterіn júrgіzdі dep sanaıdy.
Material avtory
