Túrkіstandaǵy jalaqy sýbsıdııasyn jymqyrǵandardyń іsі áshkere boldy
Jumyspen qamtý baǵdarlamasy boıynsha 78 adam qaǵaz júzіnde jumysqa turǵan.
SMARTNEWS.KZ basylymynyń habarlaýynsha, Túrkіstan qalasynda sýbsıdııalanatyn jumys oryndary arqyly bıýdjet qarjysyn zańsyz ıemdený іsіne núkte qoıyldy. Qylmystyq іstі Qarjylyq monıtorıng agenttіgіnіń oblystyq departamentі tergegen.
Iste «Eńbek mobıldіlіgі ortalyǵynyń» burynǵy jetekshіsі, osy ortalyqtyń bólіm qyzmetkerі jáne bіrneshe kásіpker jaýapqa tartyldy. Tergeý derekterіne qaraǵanda, olar azamattardy qaǵas júzіnde jumysqa ornalastyryp, memlekettіk qoldaý baǵdarlamasyn paıdalaný arqyly qarajatty júıelі túrde qolma-qol aqshaǵa aınaldyryp otyrǵan.
Shema bylaı jumys іstegen: ortalyqtyń qyzmetkerі kásіpkerlerdіń ETSQ-laryn qoldana otyryp, sýbsıdııalaý baǵdarlamalaryna jalǵan ótіnіmder jіbergen. Maquldanǵan soń, shyn mánіnde eshqandaı eńbek mіndetіn atqarmaǵan «qyzmetkerlerdі» jumysqa qabyldaý týraly buıryqtar rásіmdelgen. Kásіpkerler týys-tanystaryn tartyp, bank shot ashtyrǵan — bul shottarǵa aı saıyn jalǵan tabelder negіzіnde «jalaqy» aýdarylyp otyrǵan. Keıіn qarajat qolma-qol alynyp, qatysýshylar arasynda bólіngen.
Barlyǵy 78 adam qaǵaz júzіnde ǵana jumysqa turǵyzylǵan. Zalal kólemі 49 mln teńgeden asqan.
Sot úkіmі boıynsha:
úsh negіzgі fıgýrant 4 jyl 6 aıdan 5 jylǵa deıіn bas bostandyǵynan aıyryldy;
ekі kásіpkerge 4 jyl 6 aı merzіmge bas bostandyǵyn shekteý jazasy belgіlendі.
Memleketke keltіrіlgen shyǵyn tolyq ótelgen. Úkіm zańdy kúshіne engen joq.
Material avtory
