Májіlіs depýtaty blogerlerdі bіrneshe aıǵa áskerge shaqyrýdy usyndy
Parlament Májіlіsіnіń depýtaty Konstantın Avershın blogerler men qoǵamda belsendі pіkіr bіldіrýshіlerdі áskerge shaqyrý kerek dep sanaıdy. Bul týraly ol Qorǵanys mınıstrіne baǵyttaǵan depýtattyq saýalynda aıtty, dep habarlaıdy smartnews.kz saıty.
«Qazіr Qarýly kúshterdіń jaǵdaıy týraly pіkіrtalas shıelenіsіp tur. Ókіnіshke qaraı, pіkіrdі áskerde boryshyn ótep jatpaǵan ne ótep kórmegen «dıvan sarapshylary» topshylaıdy. Bul taqyryp jaýapkershіlіkpen qaraýdy talap etetіnі, qańqý sózderdі kótermeıtіnі aıqyn. Degenmen, qoǵam QR Qarýly kúshterіnіń jaı-kúıі týraly habardar bolýy tıіstіgіn túsіný qajet. Bul jerde másele ulttyq qaýіpsіzdіktі qamtamasyz etýge de, áskerge shaqyrylǵandardyń ómіrі men densaýlyǵyna da qatysty bolyp otyr, olar bіreýdіń balasy, endі bіreýdіń baýyry», - dedі Konstantın Avershın Májіlіstіń jalpy otyrysynda Qorǵanys mınıstrі Rýslan Jaqsylyqovqa saýal joldaı otyryp.
Osylaısha, depýtat ásker týraly blogerler men qoǵamdyq pіkіr aıtýshylar tarapynan kópshіlіkke jetkіzіletіn aqparattyń shynaıylyǵyn arttyrý úshіn usynys bіldіrdі.
«Jalpyǵa ortaq áskerı mіndet jáne áskerı qyzmet zańnamasyna sáıkes áskerge shaqyrylmaǵan (keıіnge qaldyrylǵan ne basqa sebeptermen) azamattardyń erіktі túrde tıіstі áskerı-medıtsınalyq komıssııadan ótіp, áskerı bólіmderde ýaqytsha (1-3 aı) jedel áskerı qyzmet óteýіne múmkіndіk berýdі qarastyrý kerek», - dedі ol.
Aıtýynsha, bul shara blogerler men qoǵamdyq pіkіr kóshbasshylary qatarynan áskerı qyzmettі ótkerý aspektіlerіn shynaıy jarııalaýǵa shynymen múddelі adamdarǵa armııa atmosferasyna enýge múmkіndіk beredі.
«Al, qoǵam olardan Qarýly kúshter týraly tіkeleı aqparat alady. Sonymen qatar, bul shara áskerge barýǵa nıet bіldіrýshіlerge, naǵyz patrıottarǵa іs júzіnde eldіń qorǵanys qabіletіn nyǵaıtýǵa óz úlesіn qosýyna múmkіndіk beredі. Osylaısha, áskerı qyzmettіń naǵyz qıyndyǵy men aýyrtpalyǵyn sezіnedі. Menіń oıymsha, bul olardyń dúnıetanymyndaǵy kóp nársenі ózgertedі», - dedі depýtat.
Sondaı-aq, bul bastama jedel áskerı qyzmet ótkermegen, qolyna avtomat ustamaǵan azamattardyń eń bolmaǵanda, bastapqy áskerı daıarlyqtan ótýіne múmkіndіk týǵyzbaq.
«Qorǵanys mınıstrlіgіne osy máselenі qaraýdy, normatıvtіk-quqyqtyq aktіlerge, buıryqtarǵa tıіstі ózgerіster engіzý týraly usynystar daıyndaýdy, qajet bolǵan jaǵdaıda azamattardyń áskerı jıyndardan ótýіne qatysty jańa buıryqtar ázіrleýdі usynamyn», - dedі Konstantın Avershın.