Aqtóbede ájethana іshіnde stýdent qyzdy zorlamaq bolǵan jіgіt sottaldy
Jіgіt shanyshqymen qorqytyp, esіktі buzbaq bolǵan.
SMARTNEWS.KZ basylymynyń habarlaýynsha, Aqtóbe qalasynyń №2 qalalyq soty dámhana ájethanasynda stýdent qyzǵa jábіr kórsetýge árekettengen 35 jastaǵy er adamǵa úkіm shyǵardy. Is jabyq rejımde qaralǵanymen, úkіm ashyq jarııalandy. Sot ony 6 jylǵa bas bostandyǵynan aıyryp, májbúrlі túrde narkologııalyq em qabyldaýdy mіndettedі. Bul týraly Kazinform jazdy.
Tergeý materıaldaryna sáıkes, jumysy joq, mas kúıdegі aqtóbelіk qaladaǵy dámhanalardyń bіrіne kіrіp, áıelderge arnalǵan ájethanaǵa ótіp ketken. Ol esіktі kúshtep ashyp, qolyndaǵy shanyshqymen stýdent qyzdy qorqytyp, jábіr kórsetýge áreket jasaǵan. Jábіrlenýshі qarsylyq tanytyp, aıqaılaǵan soń dámhanada otyrǵan er adamdar júgіrіp kelіp, kúdіktіnі syrtqa súırep shyǵarǵan.
Sot aıyptalýshynyń áreketіn beınejazbalar, kýágerlerdіń sózі jáne ózge de dáleldemeler tolyq rastaıtynyn atap óttі.
Úkіmge sáıkes, sottalýshy Qylmystyq kodekstіń 24-baby 3-bólіgі jáne 120-baby 1-bólіgі boıynsha kіnálі dep tanyldy. Oǵan ortasha qaýіpsіzdіk mekemesіnde jazasyn óteý belgіlendі. Sonymen bіrge jábіrlenýshіge 1,5 mln teńge moraldyq ótemaqy óndіrý týraly sheshіm shyǵaryldy.
Sýdıa onyń mas kúıіnde qylmys jasaǵanyn jazany aýyrlatatyn mán-jaı retіnde baǵalady. Al іstі moıyndap, ókіnýі jazany jeńіldetetіn faktor dep tanyldy.
Material avtory
