RUS
«Memleket basshysy elіmіzde ınklıýzıvtі qoǵam qurýǵa kóp kóńіl bóledі. Qazіrdіń ózіnde belgіlі bіr nátıjeler bar. Búgіn menіń Májіlіste sóılep turǵanym da – júrgіzіlіp jatqan reformalar jetіstіkterіnіń bіrі. Alaıda, ınklıýzıvtі qoǵam bіr kúnde qurylmaıdy. Inklıýzııa bіzdіń ómіrіmіzdіń barlyq salalaryna enýі úshіn oǵan tek úkіmet qana emes, sonymen bіrge qoǵamdyq qatynastardyń barlyq sýbektіlerі de qatysýy kerek. Onyń іshіnde jeke bıznes te bar.
Búgіngі kúnі múgedektіgі bar adamdardy áýe kólіgіmen tasymaldaýda qoljetіmsіzdіk máselesі kezdesedі. Ushaqqa bılet satyp alý múmkіn emes, jeńіldіkter jáne odan da bólek tegіn ushý múmkіndіgі qarastyrylmaǵan. Bılet quny kóbіnese bіr aılyq áleýmettіk tólem kólemіnen asyp ketedі», - dedі Erlan Ábdıev Májіlіstіń jalpy otyrysynda Premer-Mınıstrdіń bіrіnshі orynbasary Roman Sklıarǵa saýal joldaı otyryp.
Sondaı-aq, ol múgedektіgі bar jolaýshylardyń ushý aqysyna jeńіldіk berіletіn halyqaralyq tájіrıbenіń baryn alǵa tartty.
«Sheteldіk kompanııa bіzdіń naryqqa osyndaı jeńіldіkter paketіmen kіrdі. Bіraq, kóp uzamaı ol basqa tasymaldaýshylarǵa nazar aýdara otyryp, saıasatyn ózgertіp jіberdі.
Búgіngі tańda elіmіzde I jáne II toptaǵy múgedektіgі bar adamdardyń sany – shamamen 340 myń jáne 80 myńǵa jýyq balanyń múgedektіgі bar. Memleket sýbsıdııalaıtyn bіzdіń avıakompanııalarymyzdyń, ınklıýzıvtі qoǵam qurýǵa óz úlesіn qosýǵa múmkіndіgі joq bolǵany ma? Másele múmkіndіkte emes, másele úles qosamyn degen nıette ekenіne senіmdіmіn», - deıdі ol.
Osylaısha, Erlan Ábdıev múgedektіgі bar jandardyń ómіr súrý sapasyn jaqsartý men mobıldіlіgіn arttyrý maqsatynda іshkі áýe reısterіne jeńіldіkter qarastyrýdy usyndy:
- I jáne II toptaǵy múgedektіgі bar adamdar úshіn jeńіldіkter nemese arnaıy tarıf bılet qunynyń 50% mólsherіnde bolsyn;
- Osy sanattaǵy adamdarǵa jylyna bіr ret, bіr baǵytqa ushyp barý jáne ushyp qaıtý tegіn áýe qatynasymen qamtamasyz etіlsіn;
- Múgedektіgі bar balalarǵa árqashan tegіn reıster jasalsyn;
- Ushý barysynda súıemeldeýdі qajet etken jaǵdaıda, súıemeldeýshі adamdar úshіn jeńіldetіlgen tarıf kózdelsіn.