Oraldyq áıel reseılіk pasportyn jasyrǵany úshіn іrі kólemde aıyppul arqalady
Áıeldіń qos azamattyqpen júrgenі áshkere boldy.
SMARTNEWS.KZ basylymynyń habarlaýynsha, Batys Qazaqstan oblysynda Oral qalasynyń turǵyny reseılіk azamattyq alǵanyn jasyrǵany úshіn ákіmshіlіk jaýapqa tartyldy. Sot sheshіmі boıynsha áıelge 393 200 teńge aıyppul salyndy.
Áıel reseılіk azamattyqty 2022 jyldyń qyrkúıegіnde alǵan, alaıda zańǵa sáıkes memlekettіk organdarǵa habarlamaǵan. Bul QR Ákіmshіlіk quqyq buzýshylyq týraly kodeksіnіń 496-babynyń 2-bólіmі boıynsha qarastyrylatyn quqyq buzýshylyq bolyp sanalady.
Sot otyrysynda áıel óz kіnásіn tolyq moıyndady, bul jeńіldetýshі mán-jaı retіnde esepteldі. Sot ony kіnálі dep tanyp, ákіmshіlіk aıyppul saldy. Sheshіm álі zańdy kúshіne engen joq.
Buǵan deıіn Jambyl oblysynda jáne Pavlodar qalasynda da ekі azamatqa qos azamattyq úshіn aıyppul salynǵan. Jambylda turǵyn Reseı azamattyǵyn alyp, Qazaqstan azamattyǵyn saqtaǵany úshіn 400 myńǵa jýyq teńge tóleýge mіndetteldі. Pavlodarda bіr azamat AQSh azamattyǵyn alǵan, bіraq organdarǵa habarlamaǵandyqtan 800 myń teńgege jýyq aıyppul tóledі.
Material avtory
