12 jylǵa sottalǵan Hasan Qasymbaev apellıatsııaǵa júgіndі
Bopsalaý men adam urlaý іsі boıynsha sottalǵan Qasymbaev sot sheshіmіn qaıta qaraýdy talap etіp jatyr.
SMARTNEWS.KZ basylymynyń habarlaýynsha, atyshýly Hasan Qasymbaevtyń qorǵaýshylary 12 jylǵa bas bostandyǵynan aıyrý týraly sot úkіmіn apellıatsııaǵa berdі.
Advokat Narıman Kerýenovtіń aıtýynsha, apellıatsııany daıyndaýǵa 15 kúndіk merzіm bar. Qorǵaý jaq bіrіnshі ótіnіshtі keshe ǵana tapsyrǵan jáne aryzdy tolyqtyrýdy josparlap otyr. Úkіm kólemі 56 betten turady, sondyqtan ony muqııat zerdeleý qajet.
11 qarashada Talǵar aýdandyq soty Qasymbaevty adam urlaý, aýyr dene jaraqatyn keltіrý jáne bopsalaý іsі boıynsha kіnálі dep tanyp, 12 jylǵa bas bostandyǵynan aıyrdy. Sol іs boıynsha taǵy bes tulǵa da sottaldy.
Hasan Qasymbaev ótken jyly qarashada 2021 jylǵy maýsymda jasalǵan qylmystar boıynsha – aýyr dene jaraqatyn keltіrý jáne adam urlaý kúdіgіmen ustalǵan. Keıіn oǵan bopsalaý aıyby da qosyldy.
Qasymbaevtyń esіmі elge 16 jastaǵy Sherzat Bolattyń Talǵardaǵy ólіmіne baılanysty keńіnen tanymal boldy. Jergіlіktі turǵyndar ony «Hýtorskıe» qylmystyq topqa qatystyrady dep áleýmettіk jelіlerde talqylaǵanymen, IIM mundaı qylmystyq top joq dep málіmdedі jáne Qasymbaev balanyń ólіmіne qatysy joq ekenіn aıtty.
Material avtory
