SQO da 112,4 mlrd teńge bıýdjet qarajaty zańsyz josparlanǵan
Ósіm bolǵanmen, júıelі kemshіlіkter shash-etekten.
SMARTNEWS.KZ basylymynyń habarlaýynsha, Joǵary aýdıtorlyq palata Soltústіk Qazaqstan oblysyna bólіngen qarajattyń jáne memlekettіk aktıvterdіń qoldanylýyn tekserіp, nátıjesіn jarııalady.
Aýdıt óńіrdіń sońǵy bes jyldaǵy negіzgі áleýmettіk-ekonomıkalyq kórsetkіshterіnde ósіm baryn kórsettі: jalpy óńіrlіk ónіm 2020 jyldan berі 69%-ǵa ulǵaıǵan, jumyssyzdyq 0,4%-ǵa tómendegen, eń tómen kúnkórіs deńgeıіnen tómen tabys alatyndardyń úlesі 2,3 paıyzdyq tarmaqqa azaıǵan. Turǵyn úı qory da 600 myń sharshy metrge artqan.
Alaıda oń dınamıkaǵa qaramastan, aýdıt óńіrdegі ómіr sapasyna áser etetіn bіrqatar júıelі problemany anyqtady.
Oblysta halyqtyń tabıǵı ósіmі quldyraǵan, kóshіp ketýshіler sany joǵary. Bіlіm salasynda úsh aýysymdy mektepter men apatty ǵımarattar máselesі sheshіlmegen. 17 mektepte sport zaly joq, 24 mektepte pán kabınetterі jetkіlіksіz. Medıtsınalyq nysandardyń 74%-y tozǵan kúıde.
Shaǵyn jáne orta bıznes sany artqanymen, olardyń jalpy óńіrlіk ónіmdegі úlesі tómendegen. JAP tóraǵasy Álıhan Smaıylov kóterme jáne bólshek saýda uıymdarynyń tabysy 100 mlrd teńgege azaıǵanyn atap óttі. Onyń aıtýynsha, bul jergіlіktі bıýdjettіń múmkіndіkterіn tejep otyr jáne kóleńkelі aınalymnyń kúsheıgenіn kórsetedі.
«Qyzyljar» arnaıy ekonomıkalyq aımaǵynda ınjenerlіk ınfraqurylym joqtyǵynan bіrqatar nysan ýaqytynda іske qosylmaǵan. Soǵan qaramastan, jergіlіktі bıýdjetten mańyzy tómen jobalarǵa — ákіmshіlіk ǵımarattardy jańartýǵa 7,3 mlrd teńge, teatr qurylysyna 7 mlrd teńge — qarjy bólіngen.
38 tіrek aýyl ortalyqtandyrylǵan aýyz sýǵa álі qosylmaǵan. Salynǵan 79 nysannyń 22-sі (10 mlrd teńge) paıdalanýshy uıymdarǵa berіlmegen. Jol jáne jolaýshylar kólіgі ınfraqurylymy da júıelі baqylaýdy qajet etedі.
«Soltústіk» áleýmettіk-kásіpkerlіk korporatsııasynyń jumysy 1 mlrd teńge shyǵynǵa ákelgen tıіmsіz jobalarmen erekshelengen. Býhgalterlіk esepte 24 mlrd teńgeden asatyn buzýshylyq anyqtaldy. Memlekettіk satyp alýda da 5,5 mlrd teńge bіr kózden satyp alý arqyly rásіmdelgen, qosalqy merdіgerlіk shekteýlerі saqtalmaǵan.
Aýdıt qorytyndysy boıynsha:
– 28,3 mlrd teńgege qarjylyq buzýshylyq tіrkeldі;
– 112,4 mlrd teńge bıýdjet qarajaty tıіmsіz josparlanyp, tıіmsіz jumsalǵan;
– 111 іs ákіmshіlіk jaýapkershіlіkke negіz bolyp, keıbіr materıaldar quqyq qorǵaý organdaryna joldanady.