Kókshetaýda 6 kún boıy іz-túzsіz ketken áıel men sábı tabyldy
Úıіnen shyǵyp, habarsyz ketken áıel tabyldy.
SMARTNEWS.KZ basylymynyń habarlaýynsha, Kókshetaýda 20 qarashada úıden shyǵyp, baılanyssyz qalǵan 32 jastaǵy áıel men onyń kіshkentaı qyzy alty kúnnen keıіn aman-esen tabyldy. Aqmola oblystyq polıtsııa departamentі oqıǵanyń mán-jaıyn málіmdedі.
Polıtsııaǵa áıeldіń týystary aryz túsіrgennen keıіn іzdeý jumystary dereý bastalǵan. Quqyq qorǵaýshylar áıeldіń jaqyn ortasyn tekserіp, kýágerlerden jaýap aldy. Izdeýge erіktіler de qosylyp, áleýmettіk jelіlerde aqparat taratty.
26 qarasha kúnі «Lider.kz» erіktіlerіnіń kómegіmen ıývenaldy polıtsııanyń aǵa ýchaskelіk ınspektory Názıra Tursımbaeva joǵalǵandardyń bolýy múmkіn mekenjaıy týraly habar alyp, jedel jetken. Páterde áıeldіń tanystary turǵany anyqtaldy, sol jerden ana men bala tabylǵan.
Qazіr qyz bala aýrýhanada jatyr. Dárіgerler onyń jaǵdaıyn tekserіp, densaýlyǵyna qaýіp joq ekenіne kóz jetkіzbek.
Polıtsııa erіktіlerge jáne beıjaı qaramaǵan turǵyndarǵa alǵys bіldіrdі.
Material avtory
