Reseı baqylaý úshіn kógershіn-bıodron jasap shyqty
Ǵalymdar qustardyń túrіne qaraı mіndetі de ártúrlі bolatynyn aıtty.
SMARTNEWS.KZ basylymynyń habarlaýynsha, Reseıdіń Neiry kompanııasy neırochıp ornatylǵan arnaıy úıretіlgen kógershіnderdі kórsettі. Basqarý júıesі qustyń mıyna ımplanttalǵan qurylǵy arqyly jumys іsteıdі. Kompanııa mundaı bıodrondardy ınfraqurylymdy baqylaýǵa jáne nysandardy kúzetýge paıdalaný josparyn jarııalady. Bul týraly TASS jazdy.
Neiry túsіndіrýіnshe, kógershіnnіń arqa bólіgіne bekіtіlgen shaǵyn «rıýkzak» pen neırochıp mıdyń naqty aımaqtaryna jeńіl neırostımýlıatsııa jasaıdy. Sonyń arqasynda qus baǵytyn ózі tańdaǵandaı bolyp, ońǵa ne solǵa burylady. Uıym bul tásіl qustyń tabıǵı reaktsııasyn kúsheıtetіnіn, oǵan psıhologııalyq ta, fızıkalyq ta zııan kelmeıtіnіn aıtady.
Qurylǵy quramyndaǵy beınekamera kún panelderіmen qýat alady. Bıodrondar GPS jáne ózge de navıgatsııalyq júıeler arqyly baǵyttalady.
Kompanııa negіzіn qalaýshy Aleksandr Panovtyń aıtýynsha, tehnologııa tek kógershіnge ǵana emes, kez kelgen qusqa qoldanylýy múmkіn. Máselen, aýyr qurylǵylardy tasýǵa – qarǵalar, jaǵalaýdy baqylaýǵa – shaǵala, al teńіz ústі keńіstіgіn qadaǵalaýǵa – albatros qolaıly.
Neiry mamandarynyń aıtýynsha, qus qozǵalysyn ımplanttalǵan neıroınterfeıstermen basqarý baǵytynda Qytaı, AQSh jáne Úndіstan ǵalymdary da zertteý júrgіzgen. Alaıda tájіrıbeden іs júzіndegі qoldanýǵa qadam jasaǵan alǵashqy top – reseılіk zertteýshіler.
Kompanııa bıodrondardy uzaq merzіmdі nemese qashyqtan monıtorıng qajet nysandarǵa baǵyttaýdy josparlap otyr. Oǵan elektr jelіlerі, gaz taratý toraptary jáne basqa da ınfraqurylym kіredі.
Material avtory
