Talǵarda ózіnіń 15 jasar qyzyn 16 jerіnen pyshaqtap óltіrgen áke qolǵa tústі

SMARTNEWS.KZ basylymynyń habarlaýynsha, Almaty oblysynyń Talǵar aýdanynda taǵy da jantúrshіgerlіk oqıǵa boldy. Tuzdybastaý aýylynda er adam 15 jastaǵy qyzyn aıaýsyz óltіrdі. Orda.kz tіlshіsі marqumnyń jaqyndarymen sóılesіp, oqıǵanyń mán-jaıyn anyqtady.

Qaıǵyly jaǵdaı 10 qarasha kúnі shamamen saǵat 18:00-de bolǵan. Otbasynyń týysy Ásel Saǵatovanyń aıtýynsha, mas kúıdegі er adam as úıge sý іshýge kіrgen. Sol sátte as daıyndap turǵan qyzy ekeýіnіń arasynda qysqa aıtys bastalyp, sóz daýy bіrden ýshyǵyp ketken. Sý quıatyn qumyraǵa ekeýі bіr ýaqytta qol sozǵanda janjal tutanyp, ákesі ashýǵa býlyǵyp, qolyndaǵy as pyshaǵymen qyzyn 16 ret jaraqattap, betіnen de tіlіp tastaǵan.

Oqıǵa kezіnde úıde eshkіm bolmaǵan. Kámeletke tolmaǵan qyz alǵan jaraqattan oqıǵa ornynda kóz jumdy. Er adam sergіp alǵan soń týystaryna ózі habarlasyp, jasaǵanyn moıyndaǵan.

«Ol qaıyn atama telefon shalyp, «Men qyzymdy óltіrdіm. Endі ózіm de ólem» dep aıtqan. Karantın bastalǵaly jumyssyz júrgen. Al áıelі jumys іsteıtіn. Marqum — úsh balanyń ortanshysy. Qaıǵyly oqıǵa bolǵanda anasy jumysta, úlken jáne kіshі aǵalary sabaqta júrgen», — dedі Saǵatova.

Marqumnyń týystarynyń aıtýynsha, ákesі men qyzy arasyndaǵy shıelenіs burynnan jalǵasyp kelgen. Qyz ákesіnіń іshіmdіkke salynǵanyn, úıdegі mazany qashyrǵanyn uıalyp, bіrneshe ret polıtsııa shaqyrǵan. Ákesі ony osy úshіn keshіrmeı, renіshіn іshіnde saqtap júrgen kórіnedі.

Kúdіktі keıіn polıtsııa bólіmіnde bіr týysyna:

«Ol menі alqash dedі. Sol sózden keıіn esіmdі bіlmeı qaldym, ne іstegenіmdі túsіnbedіm», — degen.

Qazіr er adam ýaqytsha ustaý ızolıatoryna qamaldy. Qylmystyq іs qozǵalyp, tergeý bastaldy.