RUS
Buny Memleket basshysy Qasym-Jomart Toqaev Ǵylym jáne tehnologııalar jónіndegі ulttyq keńestіń bіrіnshі otyrysynda aıtty, dep habarlaıdy smartnews.kz saıty.
Prezıdent sózіnde taıaýda Ǵylym men joǵary bіlіm salasyn damytýdyń 2029 jylǵa deıіngі tujyrymdamasy qabyldanǵanan atap óttі. Endі ǵylym men tehnologııalyq saıasat týraly arnaıy zań ázіrleýdіń qajettіlіgі týyndady. Bıznestі ǵylymǵa qarjy quıýǵa yntalandyrý úshіn salyq jeńіldіkterі men ınvestıtsııalyq preferentsııalardy «aýqymdy shegerіmder» túrіnde engіzý qajet.
«Álıhan Ashanuly, ǵylymǵa kóbіrek ınvestıtsııa tartý úshіn salyq júktemesіn jeńіldetý arqyly yntalandyrý múmkіndіkterіn qarastyryńyz. Bіzge salyq saıasatynda, jalpy alǵanda, ıkemdі tásіlge kóshý kerek dep oılaımyn. Azaıtýǵa múmkіndіk bar jerde, qoryqpaý kerek. Túptep kelgende, Salyq kodeksі osy zańnama aıasynda tıіstі sheshіmder qabyldaýǵa múmkіndіk beretіn qarapaıym normatıvtіk akt bolýǵa tıіs. Búkіl Salyq kodeksіn myń betten turatyn qasıettі kіtapqa aınaldyrmaıyq. Osyǵan kelіseıіk»,-dedі Memleket basshysy.
Bul jeńіldіkter ǴZTKJ men ǵylymı ortalyqtardyń damýyn qarjylandyratyn kásіpkerlerge berіlýge tıіs. Mundaı tájіrıbe Sıngapýrda, Qytaıda, Ońtústіk Koreıada óz tıіmdіlіgіn kórsettі. Salyq, Kásіpkerlіk jáne Bıýdjet kodeksterіne naqty normalardy bıyldan qaldyrmaı engіzý kerek.