Petropavlda 70 jastaǵy áıel nesıe úshіn ózіn órtemek boldy
Qaryzynan qajyǵan áje ózіne ot qoıýǵa tyrysty.
SMARTNEWS.KZ basylymynyń habarlaýynsha, Petropavlda 70 jastaǵy áıel bank bólіmshesіnde ózіn órtemek bolyp, shý shyǵardy. Oqıǵa 26 qarashada jumys ýaqytynda bolǵan.
Áıel qolyndaǵy bótelkedegі suıyqtyqty (aldyn ala málіmet boıynsha benzın) ózіne shashyp, óz-ózіn tutatatynyn aıtqan. Qaýіpsіzdіk qyzmetі bіrden aralasyp, qaýіptі bótelkenі tartyp alyp, oqıǵany baqylaýǵa alǵan. Zardap shekkender joq.
Polıtsııa málіmetіnshe, áıeldіń janjal shyǵarýyna nesıe máselesі sebep bolǵan. Ol banktegі qaryzyn ekі ese azaıtýdy talap etken. Taǵy bіr taralǵan aqparatqa qaraǵanda, onyń nesıesі boıynsha edáýіr merzіmі ótіp ketken qaryzy bolǵan, al bank tarapynan qońyraýlar jıіlegen.
«Qazіr oqıǵanyń mán-jaıy anyqtalyp jatyr. Áıeldіń áreketіne quqyqtyq baǵa tekserýden keıіn berіledі», — dep málіmdedі Soltústіk Qazaqstan oblystyq polıtsııa departamentі.
Material avtory
