Aq úı mańynda ulttyq gvardııasyna oq atqan adamnyń Aýǵanstannan kelgenі anyqtaldy
Tramp oqıǵany «terakt» dep atady.
SMARTNEWS.KZ basylymynyń habarlaýynsha, Vashıngtondaǵy Aq úı mańynda ekі ulttyq gvardııa jaýyngerіne oq jaýdyrǵan kúdіktіnіń Aýǵanstannan shyqqany anyqtaldy. Bul týraly 27 qarashada CNN quqyq qorǵaý organdaryndaǵy derekkózderge súıenіp habarlady. AQSh prezıdentі Donald Tramp bolǵan oqıǵany «terakt» dep atady.
Aldyn ala málіmetke sáıkes, kúdіktі AQSh-qa 2021 jyly kelgen jáne Vashıngton shtatynda turǵan. CNN FBR kúdіktіnіń saýsaq іzderі arqyly onyń jeke basyn sáıkestendіrgenіn jazady. Ol 2024 jyly bosqyn mártebesіn surap, 2025 jyldyń basynda alǵan. AP agenttіgі onyń esіmіn Rahmanýlla L. dep jarııalady. Tergeý álі jalǵasyp jatyr.
26 qarashada belgіsіz adam Aq úıge jaqyn Farragýt alańynda turǵan ekі ulttyq gvardııa qyzmetkerіne oq atqan. Ekі sarbaz da aýyr halde aýrýhanaǵa jetkіzіldі. Buǵan deıіn keıbіr aqparat quraldary olardyń qaza tapqanyn habarlaǵan, alaıda bul málіmet rastalǵan joq. Batys Vırgınııa gýbernatory Patrık Morrısı da bastapqyda qate aqparat taratqanyn moıyndady.
AP málіmetіnshe, sarbazdardyń bіrіne basynan jaraqat tıgen. Kúdіktі atys kezіnde jaralanyp, qazіr aýrýhanada, bіraq ómіrіne qaýіp joq.
Prezıdent Tramp arnaıy málіmdemesіnde іshkі qaýіpsіzdіk departamentіnіń kúdіktіnіń Aýǵanstannan kelgenіn naqtylap otyrǵanyn aıtty. Ol bul oqıǵany «Ulttyq gvardııaǵa jasalǵan terrorlyq shabýyl» dep sıpattady.
Material avtory
