RUS
«Ǵalymdardyń mártebesіn dáıektі túrde kóterіp, olardy áleýmettіk turǵydan qamtamasyz etý sharalaryn kúsheıtýіmіz qajet. Osy máselege baılanysty akademıkterdіń pіkіrіmen kelіsemіn. Ol úshіn joǵary oqý oryndary men ǵylymı mekemeler qyzmetkerlerіnіń ǵylymı dárejesі men ataǵyna qaraı tólenetіn ústemeaqyny 1,5 ese arttyrý qajet.
Sonymen qatar kúrіshtі kúrmekten aıyra bіlýіmіz kerek. Kómekke, ásіrese materıaldyq turǵyda qoldaýǵa laıyq naǵyz ǵalymdar jetkіlіktі. Sondaı-aq ǵylymı ataqtary bar, bіraq ǵylymǵa esh qatysy joq ǵalymdar da bar. Olar týraly keıіnіrek aıtamyn. Olar bul ataqqa tek ákіmshіlіk, saıası qyzmetіnіń arqasynda qol jetkіzgen. Sondyqtan olardy shyn ǵalymdarmen shatastyrmaıyq. Ǵylymda kezdseısoq júrgenderden górі, naǵyz ǵalymdarǵa bólіnetіn qarjyny ulǵaıtqanymyz jón», - dedі QR Prezıdentі.
Sondaı-aq, jer qoınaýyn paıdalanýshylardyń óndіrіske jumsaıtyn qarjysynyń 1 paıyzyn ǴZTKJ-ǵa mіndettі ınvestıtsııa retіnde quıýy keregіn aıtty.
«Ýnıversıtetterdі turaqty qarjylandyrýdy qamtamasyz etý úshіn maqsatty kapıtal qorlary (endaýment-qorlar) týraly zań jobasyn ázіrlegen jón. Ǵylymdy qarjylandyrý kózderіn kóbeıtýge, sonyń іshіnde jer qoınaýyn paıdalanýshylardyń óndіrіske jumsaıtyn qarjysynyń 1 paıyzyn ǴZTKJ-ǵa mіndettі ınvestıtsııa retіnde quıýyna aıryqsha nazar aýdarý qajet. Bul rette óndіrýshі kompanııalardyń atalǵan shyǵyndaryn ortalyqtandyrýdy jalǵastyrý kerek.
Bul oraıda atalǵan qarajat taǵy bіr salyq túrі retіnde qabyldanbaýǵa tıіs. Bul – óte mańyzdy. Osy oraıda jer qoınaýyn paıdalanýshylar, sonyń іshіnde «Samuryq-Qazyna» qory qarjylandyratyn zertteýlerdі ǵylymı-tehnıkalyq saıasattyń basymdyqtarymen úılestіrý úshіn tıіstі sharalar qabyldaý qajet.
Olardyń ǴZTKJ júrgіzý tártіbіn joǵary oqý oryndary men ǵylymı-zertteý ınstıtýttary úshіn ashyq, básekelі árі qoljetіmdі etý kerek. Barlyq protsess memlekettіk ǵylymı-tehnıkalyq saraptamadan ótkіzіlіp, ǵylymı-tehnıkalyq keńesterde qaralýǵa tıіs», - dep atap óttі Memleket basshysy.