Aızattyń ólіmі: Kúıeýі atpen súırep óltіrgen kelіnshektіń qazasyna qatysty sot bastaldy
Aızat Jumanovanyń kúıeýі sot aldynda jaýap berіp jatyr.
SMARTNEWS.KZ basylymynyń habarlaýynsha, Jetіsý oblystyq mamandandyrylǵan aýdanaralyq qylmystyq sotynda sottalýshy Aıbar Janbolattyń іsі boıynsha alǵashqy sot otyrysy óttі.
Sýdıa Ádіlet Baqytovtyń tóraǵalyǵymen ótken tyńdaýda qorǵaýshy tarap sotty jabyq formatta ótkіzý ótіnіshіn bіldіrgenіmen, sot ony qanaǵattandyrmaı, protsess ashyq túrde jalǵasty.
Memlekettіk aıyptaýshy Nurlan Bılіbekov aıyptaý aktіsіn oqyp, tergeý nusqasy boıynsha, qaıǵyly oqıǵa bolǵan kúnі sottalýshy alkogoldіk mas kúıde bolyp, qyzǵanyshtan Aızatty uryp-soqqanyn jetkіzdі.
Negіzgі sot otyrysy 5 jeltoqsanǵa saǵat 10:00-ge belgіlendі.
Eske salaıyq, Aızatty kúıeýі aýrýhanaǵa jetkіzgenіmen, áıel alǵan jaraqattarynan ómіrіn saqtaı almady. Alǵashqy tergeý «Densaýlyqqa qasaqana aýyr zııan keltіrý, abaısyzda ólіmge soqtyrý» baby boıynsha júrgіzіlgen. Degenmen, marqumnyń týystary qaıta saraptama jasatyp, onyń denesіndegі jaraqattardyń júıelі túrde, aýyr zatpen jasalǵanyn anyqtady. Osydan keıіn іs QK-nіń 99-baby — «Adam óltіrý» boıynsha qaıta qarastyryldy.
Marqumnyń týystary qyzyn azaptaý sátіnde qasynda bolǵan adamdardyń bárіn jaýapqa tartýdy talap etýde. Aızattyń kúıeýі Aıbar Qaıratuly ustalyp, qylmystyq іs júrgіzіlіp jatyr.
Material avtory
