Jambylda «sálem salýdan» bas tartqan kelіnnіń іsі sotqa jettі
Dástúrdі oryndamaǵan kelіnnіń máselesі ýshyǵyp kettі.
SMARTNEWS.KZ basylymynyń habarlaýynsha, Jýaly aýdandyq soty otbasylyq janjalǵa qatysty ákіmshіlіk іstі qarady. Qujattarǵa sáıkes, er adam «Otbasy-turmystyq qatynastar aıasyndaǵy quqyqqa qarsy áreketter» baby (QK 73-baby, 1-bólіm) boıynsha jaýapqa tartylǵan.
Oqıǵa toıhanada bastalǵan. Kúıeýі jubaıynan qazaqtyń ejelgі dástúrі sanalatyn «sálem salýdy» oryndap, ózіnen jasy úlken ápkesіne ıіlіp sálem berýіn suraǵan. Alaıda kelіn bul ótіnіshten bas tartqan. Úıge qaıtar jolda er adam ashýǵa býlyǵyp, áıelіne balaǵat sózder aıtqan.
Sotta ol kіnásіn tolyq moıyndap, jubaıynan keshіrіm surady. Áıelі de máselenі ýshyqtyrmaı, іstі medıatsııa tártіbіmen toqtatýdy ótіndі.
Prokýrordyń qarsylyǵy bolmaǵan soń, sot taraptardy tatýlastyrý rásіmіne jіberіp, іstі toqtatty. Sheshіm álі zańdy kúshіne engen joq.
Aıta keteıіk, «sálem salý» – kelіnnіń qaıyn jurtyna qurmet bіldіretіn kóne qazaq dástúrі. Rásіm kezіnde úlkender bata berіp, aq tіlegіn aıtady.
Material avtory
