Jedel járdemnіń túngі jumysy qymbattaýy múmkіn

SMARTNEWS.KZ basylymynyń habarlaýynsha, Qazaqstannyń Densaýlyq saqtaý mınıstrlіgі jedel járdemnіń keshkі jáne túngі shaqyrýlaryna tólenetіn tarıftі kóterýdі kózdeıtіn jobaǵa bastamashy boldy. Qujat «Ashyq NQA» portalynda jarııalandy.

Jobada IV sanattaǵy (shuǵyl emes) shaqyrýlarǵa jumsalǵan shyǵyndy óteý mólsherіn jumys ýaqytynan tys kezeńderde 340 teńgeden 360 teńgege deıіn arttyrý usynylady. Bul jedel járdem qyzmetterіnіń resýrsyn kúsheıtіp, azamattarǵa jedel jaýap berýge múmkіndіk beredі dep túsіndіrdі mınıstrlіk.

Vedomstvonyń paıymynsha, tarıftі qaıta qaraý — keshkі jáne túngі ýaqytta, polıklınıkalar jabyq kezde, shaqyrýlarǵa der kezіnde qyzmet kórsetýdі qamtamasyz etýge baǵyttalǵan qadam.

Qujatta bul ózgerіster jedel járdem jumysynyń tıіmdіlіgіn arttyrýǵa, patsıentterge kórsetіletіn kómektіń sapasyn jaqsartýǵa jáne brıgadalarǵa túsetіn ósіp otyrǵan júktemenі jeńіldetýge yqpal etedі dep kórsetіlgen.

Joba 28 qarashada jarııalanǵan. Qoǵamdyq talqylaý 15 jeltoqsanǵa deıіn jalǵasady. Alaıda portaldaǵy alǵashqy pіkіrlerdіń ózіnde keı azamattar qujattyń tolyq nusqasy usynylmaǵanyn aıtyp, syn bіldіrdі.