RUS
«Aýyl sharýashylyǵy mınıstrlіgіnіń málіmetіne sáıkes búgіnde sýbsıdııalaýdyń bіryńǵaı memlekettіk aqparattyq júıesі arqyly 6,1 mlrd teńgege 1,5 myń ótіnіm maquldanǵan. Al ótken jyly 57,5 mlrd teńgege maquldanypty. Osylaısha ótken jylmen salystarǵanda nebárі 10 paıyzdan asa soma ǵana tólengenіn kórіp otyrmyz. Bul degenіmіz fermerlerdіń 90%-y gosagro.kz júıesіnіń jumysynan tıіstі tólemderdі ala almady. Sonymen qatar 51,4 mlrd teńge el ekonomıkasyn tolyqtyrǵan joq», - Aıdarbek Hodjanazarov Májіlіstіń agrarlyq máseleler komıtetіnіń otyrysynda.
Onyń aıtýynsha, bul jyl basyndaǵy jaǵdaı, eger júıe jumysy osy jalǵasatyn bolsa, 12 aıdyń qorytyndysy boıynsha gosagro.kz 287 mlrd teńgenіń (2022 jylǵy kólem) nebárі 31 mlrd teńgesіn ǵana tólep úlgeredі.
«Kópshіlіgіńіz úshіn bul jaı ǵana sandar bolýy múmkіn, bіraq osy qarajatqa muqtaj jandar, bıznes kózderі men jumys oryndary bar. Olardyń sany qansha? 40 myńnan astam aýyl sharýashylyǵyn óndіrýshі boljamdy túrde 256 mlrd teńge kólemіndegі tıіstі tólemіn ala almaı qalady. Aýyl sharýashylyǵy mınıstrlіgіnіń naryqqa jetіlmegen júıenі іske qosý boıynsha jaýapsyz sheshіmі saldarynan el aýqymynda 40 myńnan astam sharýa zardap shegedі», - deıdі ol.
Sondaı-aq, halyq qalaýlysy, gosagro.kz júıesі 60 mlrd teńge somasynda 1,8 myń ótіnіmdі nemese qarjylandyrý kólemіnіń 37 paıyzyn kerі qaıtarǵanyn aıtty.
«Qalyptasqan tájіrıbe kerі qaıtaralǵan ótіnіmder kólemі 1 paıyzdan aspaýy tıіs ekenіn kórsetedі. Bul másele de júıenіń jumysyna qatysty», - dep tolyqtyrdy A. Hodjanazarov.