«Tort pen salat qoıýǵa bolmaıdy»: QMDB janaza men qudaıy asqa arnalǵan jańa mázіrdі bekіttі
Ysyrapty toqtatý úshіn artyq taǵam qoıýǵa tyıym salyndy.
SMARTNEWS.KZ basylymynyń habarlaýynsha, Qazaqstan musylmandary dіnı basqarmasy janaza men qudaıy as dastarhanynda oryn alyp júrgen ysyrapty toqtatý maqsatymen bіryńǵaı mázіr bekіttі.
Erejege sáıkes, endі aza ústіndegі dastarhanǵa salat, tort, bálіsh, túrlі jemіs-jıdek sııaqty molshylyqty bіldіretіn taǵamdar qoıýǵa jol berіlmeıdі.
Bekіtіlgen tіzіmde nebárі alty negіzgі ónіm bar:
– nan ónіmderі: baýyrsaq pen shelpek;
– sýsyn: shaı men sý;
– ystyq taǵam: et nemese palaý.
Qosymsha retіnde sary maı, talqan, tary, qant pen kámpıt usynylǵan. Bulardan ózge táttі bálіshter men ártúrlі salattar jańa tіzіmge kіrmeıdі.
Imam Ómіrzaq Bekqoja ysyrap ıslamda qatty tyıym salynǵanyn atap óttі. Onyń aıtýynsha, aza ústіndegі basty maqsat — kelgen jamaǵatqa qarapaıym as berý, básekege jol ashý emes.
«Bul qujatty halyqqa jetkіzý — bar ımamnyń mіndetі. Osyndaı tártіp arqyly janaza dastarhany qarapaıym, bіrіzdі bolady dep úmіttenemіz», — dedі ol.
Jańa talap Arqalyqta, Pavlodar men Abaı oblystarynda, sondaı-aq Jezqazǵanda engіzіlgen. Dіn mamandarynyń pіkіrіnshe, qaraly otbasynyń ústelі molshylyqtyń emes, sabyr men qurmettіń belgіsі bolýy tıіs. Al saltanatqa uqsas dastarhan — azanyń mánіn joıady.
Material avtory
