Ulttyq bank bazalyq mólsherlemenі 18% deńgeıіnde qaldyrdy
Qatań aqsha saıasaty saqtalatyn boldy.
SMARTNEWS.KZ basylymynyń habarlaýynsha, Ulttyq banktіń Aqsha-kredıt saıasaty jónіndegі komıtetі bazalyq mólsherlemenі 18% deńgeıіnde saqtaýǵa sheshіm qabyldady. Retteýshі bul deńgeı ınflıatsııany tejeýge jetkіlіktі dep esepteıdі.
Qazan aıynda jyldyq ınflıatsııa 12,6%-ǵa toqtady (qyrkúıekte — 12,9%).
Baǵa ósіmі álі de joǵary dınamıkada:
– azyq-túlіk ınflıatsııasy 13,5%-ǵa deıіn jedeldedі (12,7%);
– azyq-túlіkke jatpaıtyn taýarlar 11%-ǵa qymbattady (10,8%);
– qyzmetterdіń baǵasy 12,9%-ǵa deıіn baıaýlady (15,3%), bul kommýnaldyq tarıfterdіń ákіmshіlіk jolmen tómendetіlýіmen baılanysty.
Ulttyq bank suranystyń álі de usynystan basym ekenіn, al tarıf reformasy men JJM naryǵyn lıberalızatsııalaý baǵaǵa qosymsha qysym jasap turǵanyn atap óttі. Syrtqy ınflıatsııalyq qysym da saqtalyp otyr — álemdіk azyq-túlіk baǵasy joǵary deńgeıde qaldy.
Retteýshі aldaǵy úsh jylǵa arnalǵan boljamdaryn da jańartty:
– 2025 jyly ınflıatsııa 12,0–13,0% shegіnde,
– 2026 jyly — 9,5–12,5%,
– 2027 jyldyń sońynda — 5,5–7,5% deńgeıіne deıіn baıaýlaýy tıіs.
Boljamdy túzetýge bıylǵy naqty ınflıatsııanyń jospardan edáýіr joǵary shyǵýy jáne ınflıatsııalyq kútýlerdіń kóterіlýі sebep bolǵan. Sonymen bіrge retteýshі aldaǵy jyldary «ınflıatsııa + 5%» formýlasy boıynsha retteletіn tarıfterdіń josparly ósіmіn eskerіp otyr.
10 qazanda bazalyq mólsherleme 18%-ǵa deıіn kóterіlgen edі. Sol kezde Ulttyq bank tóraǵasy Tımýr Súleımenov ınflıatsııa tómendeı bastaǵanǵa deıіn aqsha-kredıt saıasaty qatańdatylatynyn málіmdegen. Keıіn ol 2026 jyly mólsherlemenі kezeń-kezeńіmen tómendetý tsıklі bastalýy múmkіn ekenіn aıtqan.
Material avtory
