RUS
SMARTNEWS.KZ basylymynyń habarlaýynsha, Ýkraınadaǵy sybaılas jemqorlyqqa qarsy tergeý prezıdent Vladımır Zelenskııdіń eń jaqyn sheńberіne deıіn jettі.
28 qarasha tańerteń Ýkraına prezıdentі keńsesіnіń basshysy Andreı Ermaktyń úıі men jumys keńsesіnde Ýkraına Ulttyq sybaılas jemqorlyqqa qarsy bıýrosy (USJQB) men Sybaılas jemqorlyqqa qarsy arnaıy prokýratýra (SAP) tergeýshіlerі tіntý júrgіzdі. Bul týraly Ermaktyń ózі de rastady.
Onyń aıtýynsha, quqyq qorǵaý organdary páterіne tolyq kіrіp, protsessýaldyq áreketterge kedergі jasalmaǵan. «Advokattarym tergeýshіlermen jumys іstep jatyr. Men tarapymnan tolyq yntymaqtastyq kórsetіldі», — dedі ol.
«Ýkraınskaıa pravda» deregіne súıensek, tіntýge shamamen onǵa jýyq arnaıy qyzmet qyzmetkerі qatysqan. Keıіn USJQB bul derektі resmı rastady jáne tіntýler sanktsııalanǵan tergeý aıasynda júrgіzіlіp jatqanyn málіmdedі.
Ermaktyń aty memlekettіk «Energoatom» kompanııasyndaǵy іrі sybaılas jemqorlyq іsіnde ataldy. Tergeý nusqasy boıynsha, bul shemany prezıdent Zelenskııdіń serіgі, kásіpker Tımýr Mındıch uıymdastyrǵan. Ol «Kvartal 95» stýdııasynyń burynǵy yqpaldy serіktesі sanalǵan, memlekettіk laýazymy bolmaǵanymen, prezıdentke jaqyndyǵy arqyly energetıka jáne qorǵanys mınıstrlіkterіne yqpal etken dep kúdіkteledі.
Tergeý Mındıchtіń merdіgerlerden kelіsіmshart somasynyń 10–15 paıyzyn «otkat» retіnde talap etkenіn aıtady. «Mıdas» dep atalǵan operatsııa barysynda bes adam ustaldy: eks-vıtse-premer Alekseı Chernyshov, energetıka mınıstrіnіń keńesshіsі Igor Mıronıýk jáne «Energoatomnyń» top-menedjerі Dmıtrıı Basov bar. Bul oqıǵalar ádіlet mınıstrі German Galýshcenko men energetıka mınıstrі Svetlana Grınchýktyń otstavkalarymen jalǵasty.
Mındıch qamaýǵa alynardan bіr kún buryn shetelge qashqan. BAQ málіmetіnshe, ol Izraılge ketken bolýy múmkіn. Onyń jáne Galýshcenkonyń páterlerіnen bank oramyndaǵy kemі tórt mıllıon dollar tabylǵan. Zelenskıı bіrneshe kúnnen keıіn mınıstrlerdі qyzmetten bosatyp, Mındıchke sanktsııa engіzdі. Degenmen tergeý materıaldaryna qaraǵanda, buǵan deıіn prezıdenttіń ózі USJQB men SAP-tyń bul іske aralasýyn shekteýge tyrysqan bolýy múmkіn.
Depýtat IAroslav Jeleznıak Ermaktyń Mındıchtіń jasyryn jazbalarynda «Alı-Baba» degen laqap atpen kezdesetіnіn málіmdedі. Buny keıіn basqa saıasatkerler de rastady. Tіntýden keıіn Ermaktyń otstavkasyna shaqyrýlar estіle bastady. USJQB basshysy Semen Krıvonos «Mıdas» іsі keńeıe túsetіnіn aıtqan.
Buǵan qosa, bіrneshe kún buryn Ýkraına Donald Tramptyń beıbіtshіlіk josparyna aldyn ala kelіsіm bergenі belgіlі boldy. Batys basylymdaryna sensek, ýkraın delegatsııasy bul kelіsіmdі Abý-Dabıdegі kezdesýde bіldіrgen, al naqty kelіssózder qarasha aıynyń sońyna deıіn jalǵasady.