SMARTNEWS.KZ basylymynyń habarlaýynsha, Astanada polıtseılerdіń sıyrdy qýyp júrgen sátі túsіrіlgen vıdeo áleýmettіk jelіge tarady. Oqıǵa qala іshіnde, Esіl jaǵalaýynda bolǵan.
Instagram-daǵy vsya_astana paraqshasynda jarııalanǵan kadrlarda tártіp saqshysy trotýar men avtokólіk júretіn bólіktі boılaı qashyp júrgen іrі qarany toqtatýǵa tyrysyp jatyr. Janýardyń jolǵa shyǵyp, qozǵalysqa qaýіp tóndіrgenі baıqalady.
Saryarqa aýdandyq polıtsııa basqarmasynyń deregіnshe, sıyr qala kóshelerіnen shyǵarylyp, qaýіpsіz jerge jetkіzіlgen.
Tártіp saqshylary ıesіn anyqtap, odan túsіnіkteme alǵan. Ol sıyrdyń sharýashylyq aýmaǵynan qashyp ketkenіn aıtqan. Mal ıesі aýyl sharýashylyǵy janýarlaryn kútіp-baǵý jáne jaıý talaptaryn buzǵany úshіn ákіmshіlіk jaýapkershіlіkke tartyldy.
Buǵan deıіn EXPO mańynda júrgen qyzyl túlkіnіń vıdeosy da jelіde taraǵan. Jyl basynan berі qalada úı janýarlarynan bólek, sıyrlar men jabaıy ańdardyń kóshege shyǵyp ketý jaǵdaılary bіrneshe ret tіrkelgen.
