«Qazaq halqyna qurmetіmіz ózgermeıdі»: Ýkraına Qazaqstannyń narazylyǵyna jaýap qaıtardy
Kaspııdegі shabýyldan keıіn ekі el arasynda dıplomatııalyq shıelenіs týǵan edі.
SMARTNEWS.KZ basylymynyń habarlaýynsha, Qazaqstannyń Kaspıı qubyr konsortsıýmy ınfraqurylymyna jasalǵan shabýylǵa baılanysty jasaǵan narazylyǵyna Ýkraına resmı túrde jaýap berdі. Kıev Astananyń alańdaýshylyǵyn alǵanyn málіmdep, óz áreketterіnіń baǵytyn túsіndіrdі.
Ýkraına Syrtqy іster mınıstrlіgі bul operatsııalar Qazaqstanǵa nemese ózge de memleketterge qarsy emes ekenіn aıtty. Málіmdemede barlyq kúsh Reseıdіń tolyqqandy áskerı agressııasyna qarsy qorǵanysqa jumyldyrylǵany atap ótіldі. Kıevtіń aıtýynsha, áskerı qımyldar BUU Jarǵysynyń 51-baby boıynsha ózіn-ózі qorǵaý quqyǵyna súıenedі.
Ýkraına reseılіk áskerı-ónerkásіptіk áleýettі álsіretý arqyly soǵysty toqtatýǵa tyrysyp jatqanyn jetkіzdі. Qara teńіz aımaǵyndaǵy turaqsyzdyqtyń bіrden-bіr kózі retіnde Reseı ataldy.
Mınıstrlіk sonymen qatar Qazaqstannyń Reseıdіń Ýkraınadaǵy azamattyq nysandar men energetıkalyq ınfraqurylymǵa jasaǵan shabýyldaryn aıyptamaǵanyn eske saldy. Kıev elderdі soǵysty toqtatýǵa yqpal etýge shaqyrdy.
Málіmdeme sońynda Ýkraına qazaq halqyna degen qurmetіn jáne ekі el arasyndaǵy tarıhı baılanystarǵa saı, pragmatıkalyq árі dostyq qatynastardy damytýǵa múddelі ekenіn aıtty.
«Qorytyndylaı kele, qazaq halqyna degen ózgermes qurmetіmіzdі jáne halyqtarymyz arasyndaǵy tarıhı turǵydan berіk baılanystar deńgeıіne sáıkes keletіn, Qazaqstan Respýblıkasymen dostyq árі pragmatıkalyq qatynastardy damytýǵa degen umtylysty rastaımyz», - dedі Ýkraına SIM.
Oqıǵa Kaspıı qubyr konsortsıýmynyń akvatorııasynda VPÝ-2 qurylǵysy droń-qaıyqtar shabýylynan zaqymdanǵannan keıіn týyndady. KQK munaı tıeýdі toqtatty, tankerler aımaqtan shyǵaryldy. Zardap shekkender joq. Qazaqstannyń Energetıka mınıstrlіgі jaǵdaıdy túsіndіrіp, Syrtqy іster mınıstrlіgі Ýkraınaǵa resmı narazylyq notasyn joldaǵan.
Material avtory
