«Kúnásі úshіn jazalap jatyr»: Bloger erekshe balalardy qorlap, qoǵamda daý týdyrdy (VIDEO)
Balalardy «jaza» dep ataǵan blogerdіń іsіn Dınara Zakıeva mınıstrlіkke joldady.
SMARTNEWS.KZ basylymynyń habarlaýynsha, Qazaqstanda erekshe qajettіlіkterі bar balalardyń ata-analaryn qorlap, olardy «buzylǵandar» dep sóılegen bloger Gulnara.blogger tóńіregіnde úlken daý týdy. Ol óz áleýmettіk jelіsіnde múgedektіgі bar balalardyń dúnıege kelýіn «kúná úshіn jaza» dep ataǵan. Túrlі qaýymdastyqtar, ata-analar men memlekettіk organdar mundaı málіmdemenі adamgershіlіkke de, zańǵa da qaıshy dep aıyptap otyr.
Gulnara.blogger jarııalaǵan vıdeoda:
«Aqyry ómіr «***-tardyń» jazasyn berіp jatyr… múgedektіgі bar balalar nege kóp? Aýtızm, іshektіń bіtelýі… munyń bárі buzylǵandyqtan. Tіptі buzylǵan áıeldі alýdyń ózі qaýіptі. Aýrý balalar týady. Táýbege kelý kerek, rýhanı tazarý kerek…» — degen sózder aıtylǵan.
Bul málіmdeme ata-analardyń, ásіrese erekshe balalardy tárbıelep otyrǵandardyń ashý-yzasyn týǵyzdy. Kópshіlіk blogerdі adam qadіrіn qorlaý, kemsіtý jáne jalǵan aıyptaýy úshіn jaýapqa tartýdy talap etýde.
Bloger Perızat (feye4ka) árіptesіnіń sózіn qatań synǵa alyp:
«Bul áıel tіkeleı qylmystyq jaýapkershіlіkke suranyp tur. Erekshe balalardyń analaryna «buzylǵan» dep jala japty. Balalarymyzdyń múgedektіgіn kúnámen baılanystyrý — bul haıp emes, bul qylmys. Bul — jala, densaýlyq jaǵdaıy boıynsha kemsіtý, ar-namysty qorlaý. Gúlnara, sіz kіnásіz balalardy jerge taptap, analardy qorladyńyz. Endі bul vıdeony tergeýshі dálel retіnde tyńdaıdy», — dedі.
Qoǵamdyq qysym kúsheıgen soń bloger alǵashqy vıdeony óshіrіp tastady, bіraq artynan mándes ekіnshі beıne jarııalap, jelіdegі paraqshalarynyń qoljetіmdіlіgіn shektedі.
Balalar quqyqtary jónіndegі ýákіl Dınara Zakıeva da jaǵdaıǵa aralasty.
«Bloger tarapynan erekshe qajettіlіkterі bar balalarǵa qatysty qorlaý bolǵany týraly shaǵymdar túsіp jatyr. Mundaı kemsіtýge jol berіlmeıdі. Balalardy qorlaǵany úshіn qylmystyq jaýapkershіlіk qarastyrylǵan. Men bul materıaldy IIM-ge joldap, protsessýaldyq sheshіm qabyldaýdy suradym», — dedі ol.
Material avtory
