Soltústіkke kóshіp barǵandarǵa berіletіn aqshalaı qoldaý kólemі óstі
Turǵyn úı satyp alýǵa tolyq qoldaý berіlіp, jumyspen qamtý jáne oqytý sharalary jasalmaq.
SMARTNEWS.KZ basylymynyń habarlaýynsha, eńbek kúshі tapshy óńіrlerge erіktі túrde qonys aýdaratyn azamattarǵa berіletіn turǵyn úı sertıfıkatynyń mólsherі 2026 jyldan bastap ulǵaıady. Úkіmet sheshіmі boıynsha, ekonomıkalyq mobıldіk sertıfıkaty 1 625 AEK kólemіnde bolady. Bul – 7 028 125 teńge.
Búgіnde elіmіzdіń soltústіgіndegі bіrneshe oblys eńbek kúshі jetіspeıtіn aımaq retіnde kórsetіlgen. Osy tapshylyqty jabý úshіn memleket eńbek kúshі artyq óńіrlerden qonys aýdarýǵa daıyn azamattarǵa qoldaý kórsetedі.
Baǵdarlama aıasyndaǵy negіzgі tólemder:
— kóshýge arnalǵan sýbsıdııa;
— jaldamaly baspana men kommýnaldyq qyzmet shyǵyndaryn óteý;
— turǵyn úı satyp alýǵa arnalǵan ekonomıkalyq mobıldіk sertıfıkaty.
2026 jyldan bastap sertıfıkattyń kólemі ǵana emes, qoldaný tártіbі de ózgeredі. Buryn ol tek baspana qunynyń 50%-yn óteıtіn, árі eń joǵarǵy shegі 1 160 AEK bolatyn (4,56 mln teńge). Endі azamattar sertıfıkatty úıdіń tolyq baǵasyn óteýge paıdalana alady. Eger baspananyń quny sertıfıkattan tómen bolsa, tólem naqty baǵasy boıynsha júrgіzіledі.
Qalǵan qoldaý sharalary burynǵy kúıіnde:
— kóshýge arnalǵan tólem – 70 AEK (302 750 teńge) ár adamǵa;
— jaldaý men kommýnaldyq shyǵyndardy óteý – 15-30 AEK (64 850–129 750 teńge) otbasyǵa.
Sonymen qatar baǵdarlama qonys aýdarýshylarǵa jumysqa ornalastyrýǵa járdemdesýdі, bıznes bastaýǵa qoldaý kórsetýdі jáne qysqa merzіmdі oqytý kýrstaryna joldaýdy qarastyrady.
Júıede jumys berýshіlerge de yntalandyrý bar: eger olar azamattyń qonys aýdarýyna kómektesse, 400 AEK kólemіnde (2026 jyly – 1 730 000 teńge) sýbsıdııa alady.
Baǵdarlama boıynsha kelesі jyly 9 653 adamdy kóshіrý josparlanǵan.
Material avtory
