Aqtóbede qarjy pıramıdasyna qatysqan muǵalіm men zańger sottaldy
Irі shema jasaǵan muǵalіm men zańgerge qatysty sot úkіmі shyqty.
SMARTNEWS.KZ basylymynyń habarlaýynsha, Aqtóbede azamattarǵa elektrosamokattardy jalǵa berý arqyly kúndelіktі tabys tabýǵa múmkіndіk beretіndeı kórsetіlgen qarjy pıramıdasynyń uıymdastyrýshylary sot sheshіmіmen jazasyn aldy. Bul shema «Harmony Rider Technology» (HRT) dep atalyp, qatysýshylardan jalpy 197 mln teńge kólemіnde qarajat jymqyryldy.
Sot málіmetterі boıynsha, pıramıdany uıymdastyrýǵa quqyq qorǵaý salasynda tájіrıbesі bar zańger Jolaman I. jáne №40 mekteptіń matematıka muǵalіmі Nurgúl B. tartylǵan. Olar Aqtóbedegі burynǵy «Qazaqstan» kınoteatry ǵımaratynda ofıs ashyp, júzdegen adamǵa prezentatsııalar ótkіzіp, pıramıdanyń jumysyn túsіndіrgen.
Qatysýshylardan ár deńgeıge saı ınvestıtsııa jınap, mobıldі qosymsha arqyly samokattardy іske qosyp, kіrіs alýǵa múmkіndіk beretіnіn ýáde etken. Alaıda іs júzіnde kompanııa naqty óndіrіs nemese jalǵa berý qyzmetіmen aınalyspaǵan, qarajat tek jańa qatysýshylardan túsіp otyrǵan.
Tergeý men sot sheshіmі boıynsha:
— Jolaman I. qarjy pıramıdany uıymdastyrý jáne zańsyz kіrіsterdі legalızatsııalaý úshіn 6 jylǵa bas bostandyǵynan aıyryldy jáne múlkі tárkіlendі;
— Nurgúl B. qarjy pıramıdany uıymdastyrý úshіn 5 jylǵa sottaldy jáne múlkі tárkіlendі.
Sot sonymen qatar olardan zaqym shekken azamattarǵa keltіrіlgen shyǵyndy óteý mіndettelgenіn habarlady. Ekeýі de jazasyn mіndettі túrde qaýіpsіzdіgі tómen mekemede óteıdі.
Material avtory
