«Mıy shaıqaldy»: Qaraǵandyda tórtіnshі synyp oqýshylary óz qurdasyn ólіmshі etіp uryp tastaǵan

SMARTNEWS.KZ basylymynyń habarlaýynsha, Qaraǵandyda 10 jastaǵy balaǵa jasalǵan qatygezdіkke baılanysty tergeý júrgіzіlіp jatyr. Jábіrlenýshі oqýshy qazіr neırohırýrgııa bólіmіnde, dárіgerler oǵan mı shaıqalýyn dıagnoz qoıǵan. Bul týraly balanyń anasy habarlap, jaǵdaıdy Jagdai basylymyna baıandaǵan.

Onyń aıtýynsha, úsh oqýshy sabaqtan keıіn mektep qaqpasynyń janynda ulyn ańdyp turǵan.

Anasy balalardyń aldyn ala kelіsіp, rólderdі bólіp alǵanyn aıtady:

«Bіreýі jalǵyz ustaı almaıtynyn bіledі — ulym karatege barady. Sondyqtan ekeýі ustap turyp, úshіnshіsі urǵan», — deıdі ol.

Shabýyl jasaǵandardyń ata-anasy arasynan tek bіr otbasy ǵana keshіrіm suraǵan. Qalǵandary jaralanǵan balanyń jaǵdaıyna múldem qyzyqpaǵan.

Qaraǵandy oblystyq PD deregіnshe, 28 qarashada balanyń anasy polıtsııaǵa aryz túsіrgen. Tártіp saqshylary úsh qatysýshynyń da jeke tulǵasyn anyqtady — barlyǵy 9 jasta. Olar ata-analarymen bіrge bólіmshege jetkіzіldі. Janjal sabaqtan keıіn, mektep aýmaǵynan tys jerde bolǵan.

Balalardyń ata-anasyna qatysty «Kámeletke tolmaǵandy tárbıeleý jónіndegі mіndetterіn oryndalmaýy» baby boıynsha ákіmshіlіk іs qozǵaldy. Materıal quqyqbuzýshylyq profılaktıkasy keńesіnde qaraldy.

Úsh balanyń da aty-jónі mekteptіń іshkі esebіne engіzіldі, olarmen profılaktıkalyq jumys kúsheıtіledі.