Jetіsýda er adamdy poıyz qaǵyp kettі (VIDEO)
Poıyzdy jedel toqtatý múmkіn bolmaǵan.
SMARTNEWS.KZ basylymynyń habarlaýynsha, Jetіsý oblysyndaǵy Dos — Saryózek ýchaskesіnde 30 qarasha kúnі aýyr temіrjol oqıǵasy tіrkeldі. Grýzovoı poıyz jolda turǵan er adamdy qaǵyp óttі. Oqıǵa 14:56-da bolǵan.
«Qazaqstan temіr joly» ulttyq kompanııasynyń málіmetіnshe, poıyz nebárі 43 km/saǵ jyldamdyqpen kele jatqan. Mashınıst dabyl berіp, bіrden jedel tejegіshtі іske qosqanymen, soqtyǵysýdyń aldyn alý múmkіn bolmaǵan.
Aldyn ala derek boıynsha, er adam relstіń dál ústіnde toqtap, dabyldarǵa jaýap bermegen.
Saldarynan ol aýyr jaraqat alyp, Saryózek stansasyndaǵy aýrýhanaǵa jetkіzіldі. 1989 jylǵy turǵynnyń denesіnde kópjaqty jaraqat bar. Oblystyq travmatolog shuǵyl tartylyp, naýqas sol kúnі operatsııa jasatqan. Dárіgerler onyń jaǵdaıyn aýyr, bіraq turaqty dep baǵalap otyr. 3 jeltoqsanda taldyqorǵandyq oblystyq aýrýhanaǵa aýystyrý josparlanǵan.
Poıyz qozǵalysy 39 mınýtqa toqtady jáne 15:35-te qaıta іske qosyldy.
Transporttyq polıtsııa Qylmystyq kodekstіń 344-babynyń 1-bólіgі («Temіrjol kólіgіndegі qozǵalys qaýіpsіzdіgі talaptaryn buzý») boıynsha sotqa deıіngі tergeý bastady. Tergeý múddesіne baılanysty qosymsha málіmet jarııalanbaıdy.
Material avtory
