Qazaqstanda elektr energııasynyń qunyn 2032 jylǵa deıіn ósіrmeý usynyldy
Mınıstrlіk elektr tarıfterdі ósіrmeý týraly sheshіmdі qarap jatyr.
SMARTNEWS.KZ basylymynyń habarlaýynsha, Qazaqstanda elektr energııasynyń shektі tarıfterіn 2032 jylǵa deıіn ózgerіssіz qaldyrý usynylyp otyr. Energetıka mınıstrіnіń «Elektr energııasyna shektі tarıfterdі bekіtý týraly» buıryq jobasy «Ashyq NQA» portalynda jarııalandy.
Qujat 17 jeltoqsanǵa deıіn qoǵamdyq talqylaýda bolady.
Tarıfter nege toqtatylady?
Jobada kórsetіlgendeı, bıyl 8 qazanda Memleket basshysynyń tóraǵalyǵymen makroekonomıkalyq teńgerіmsіzdіk pen ınflıatsııalyq táýekelder máselesі qaralǵan keńes ótken. Sol jıyn qorytyndysynda ekonomıkalyq turaqtylyqty saqtaý jónіnde bіrqatar tapsyrma berіlgen.
Sol tapsyrma aıasynda elektr energııasynyń shektі tarıfterіn ósіrýdі toqtatý týraly sheshіm qabyldanǵan.
Tarıfter qalaı bekіtіlmek?
Jobaǵa sáıkes, 2026-2032 jyldarǵa arnalǵan tarıfter 2025 jylǵy shektі tarıfter deńgeıіnde bekіtіledі.
Mınıstrlіk bul shara bіryńǵaı satyp alýshyǵa baǵa áser etpeıtіnіn atap ótedі, sebebі tarıfter kelesі jyldarǵa sol burynǵy deńgeıde qaldyrylady.
Tıіstі tarıftik sheshіmder 2026 jyldyń 1 qańtarynan bastap kúshіne enýі josparlanǵan.
Material avtory
