Eýroodaq Aqtaý portyna 45 mln eýro aqsha quımaq

SMARTNEWS.KZ basylymynyń habarlaýynsha, Tashkentte ótken Transkaspıı dálіzі men ózara baılanys jónіndegі Investorlar forýmynda Eýropalyq Odaq Aqtaý portyna qarjylyq qoldaý bóletіnі jarııa boldy. Port basshysy Dáýren Qutpanbaev EO grantyn berý jónіndegі kelіsіmge qol qoıý rásіmіne qatysty.

Bul qujat — Eýropalyq qaıta qurý jáne damý bankі tarapynan €35 mln nesıe jáne EO-nyń €10 mln kólemіndegі qaıtarymsyz grantynan quralǵan qarjylyq paket boıynsha júrgіzіlgen uzaq kelіssózderdіń nátıjesі.

EO men EQDB bіrlesіp júrgіzgen zertteý Aqtaýdy Transkaspıı halyqaralyq kólіk marshrýtynyń negіzgі túıіnderіnіń bіrі dep aıqyndaǵan.

Resmı aqparatqa sáıkes, bólіnetіn qarajat ekі aılaqty rekonstrýktsııalaý men uzartýǵa, sondaı-aq aýa raıyna tózіmdі aılaq krandaryn satyp alýǵa jumsalady. Bul konteınerlіk júk aınalymyn edáýіr arttyryp, porttyń qýatyn kúsheıtedі.

Jańǵyrtý nátıjesіnde Aqtaý portynyń ótkіzý qabіletі 0,5 mln tonnadan astam іrі júkke ulǵaıady. Sonymen qatar bіr mezette tórt tolyq júk kemesіne qyzmet kórsetýge múmkіndіk týady.

EO buǵan deıіn Transkaspıı dálіzіn damytýǵa €10 mlrd bólýge daıyn ekenіn málіmdegen. Dálіzdіń ortalyq býyny sanalatyn Qazaqstan osy qarjyǵa súıenіp, porttyq, temіrjol jáne logıstıkalyq ınfraqurylymdy jańǵyrtýǵa baǵyt ustaı alady. Bul eldіń aımaqtaǵy jetekshі tranzıttіk hab retіndegі pozıtsııasyn kúsheıtýge jáne tranzıttіk kіrіsterdі arttyrýǵa jol ashady.