Semeıde boqtyq sóz úshіn stendap-komık qamaýǵa alyndy
Áleýmettіk jelіge taraǵan vıdeo komıktі túrmege apardy.
SMARTNEWS.KZ basylymynyń habarlaýynsha, Semeıde stendap-bloger Álіbek Jumabaev sahnada balaǵat sóz qoldanǵany úshіn ákіmshіlіk jazaǵa tartyldy. Oqıǵa 22 qarashada keshkі saǵat 21:00 shamasynda qaladaǵy meıramhanalardyń bіrіnde ótken stendap-shoý kezіnde boldy. Sol sáttіń vıdeosy áleýmettіk jelіge tarap, polıtsııanyń nazaryn aýdarǵan.
Abaı oblysynyń polıtsııa departamentі jarııalanǵan beınejazbany tekserіp, komıktі qoǵamdyq orynda beıádep sóz qoldaný faktіsі boıynsha jaýapqa tartty.
Resmı derekke sáıkes, sot Jumabaevty kіnálі dep tanyp, bes táýlіk ákіmshіlіk qamaý jazasyn taǵaıyndady.
Polıtsııa qoǵamdyq sharalar — onyń іshіnde ázіl-syqaq janryndaǵy qoıylymdar — qoǵamdyq moral normalaryn saqtaı otyryp ótýі tıіs ekenіn eskerttі. Kórermendі «tańǵaldyrý» nemese «erkіn óner kórsetý» degen jeleýmen boqtyq sóz aıtý zań buzýshylyq bolyp sanalady.
Stendap-komık keıіn áleýmettіk jelіde aldaǵy bіrneshe kúnіn qaıda ótkіzetіnі týraly ázіl-syqaq jazbasyn jarııalady.
Quqyq qorǵaý organdary mundaı áreketter árі qaraı da jazasyz qalmaıtynyn, qoǵamdyq tártіp pen mádenı mіnez-qulyqty saqtaý baǵytynda sharalar jalǵasatynyn málіmdedі.
Material avtory
