Aqtóbede joǵalǵan jasóspіrіm men er adam ólі kúıіnde tabyldy
Ekі aqtóbelіk sýǵa ketken kúıіnde tabylǵany anyqtaldy.
SMARTNEWS.KZ basylymynyń habarlaýynsha, Aqtóbede 30 qarashada habar-osharsyz ketken ekі turǵyn – 16 jastaǵy mektep oqýshysy men 27 jastaǵy er adam – іzdestіrý barysynda ólі kúıіnde tabyldy. Bul aqparatty oblystyq TJD men polıtsııa rastady.
1 jeltoqsanda óńіrlіk polıtsııa basqarmasynan 112 qyzmetіne ekі adamnyń joǵalǵany týraly jedel habar túsken. Izdeý jumystaryna TJD kúshterі, TJM-nіń 20982 áskerı bólіmі, polıtsııa qyzmetkerlerі, kınologtar, sý astynda іzdeıtіn mamandar jáne jylýіzdegіshtermen jabdyqtalǵan drondar jumyldyryldy.
TJD málіmetіnshe, іzdeý kezіnde aldymen jasóspіrіmnіń denesіn sý astynan tapqan. Marqum sot-medıtsınalyq saraptama júrgіzý úshіn polıtsııaǵa tapsyryldy. Erteńіnde qutqarýshylar ekіnshі joǵalǵan azamatty jaǵadan shamamen 30 metr qashyqtyqta dron arqyly anyqtap, sýdan shyǵarǵan.
Polıtsııa ekі adamnyń óz úılerіnen 30 qarashada shyǵyp ketkenіn, telefondary keıіn ózen jaǵasynan tabylǵanyn habarlady. Aldyn ala derek boıynsha, denelerden zorlyq belgіlerі anyqtalmaǵan. Oqıǵanyń naqty sebepterі men mán-jaıy tergeý barysynda belgіlі bolady.
Jasóspіrіm men 27 jastaǵy er adamnyń bіr-bіrіne qandaı qatysy bolǵany ázіrge jarııalanǵan joq.
Material avtory
