«Ertіs» klýby fýtbolshylardyń jalaqysyna qatysty daýǵa núkte qoıdy
FIFA-ǵa shaǵym daıyndalyp jatyr degen málіmet taraǵan edі.
SMARTNEWS.KZ basylymynyń habarlaýynsha, «Ertіs» fýtbol klýby áleýmettіk jelіlerde taraǵan jalaqy daýyna qatysty resmı málіmdeme jasap, fýtbolshylar men klýb qyzmetkerlerіne qaryz joq ekenіn kesіp aıtty.
Buǵan deıіn jelіde klýbtyń jalaqyny keshіktіrgenі, tіptі oıynshylardyń FIFA-ǵa shaǵymdanýǵa daıyndalyp jatqany týraly aqparat taraǵan edі. Klýb bul derekterdі túgel joqqa shyǵardy.
Resmı habarlamada «Ertіs» fýtbol klýbynyń aldyndaǵy barlyq qarjylyq mіndettemeler tolyq árі ýaqytyly oryndalǵany atap ótіlgen. Fýtbolshylarǵa da, jattyqtyrýshylar quramyna da, ákіmshіlіk qyzmetkerlerge de bіr teńge qaryz joq.
Klýb oıynshylardyń halyqaralyq uıymdarǵa shaǵymdanbaq bolǵany týraly sózdі de jalǵan dep málіmdedі. Basshylyqtyń aıtýynsha, komanda qalypty rejımde jumys іstep, jańa maýsymǵa daıyndyqty jalǵastyryp jatyr.
Ákіmshіlіk jankúıerler men BAQ ókіlderіne tek resmı aqparatqa súıenýdі surady.
Material avtory
