RUS
SMARTNEWS.KZ basylymynyń habarlaýynsha, Álemdіk boks uıymy (WBO) qazaqstandyq boksshy Jánіbek Álіmhanulynyń dopıng-testі oń nátıje bergenіn resmı rastady. Oqıǵaǵa baılanysty іshkі tergeý júrіp jatyr.
Uıym málіmetіnshe, 2 jeltoqsanda WBO VADA-dan (VADA) resmı habarlama alǵan. Tekserý josparlanǵan tıtýldyq jekpe-jek qarsańynda, ıaǵnı Jánіbek Álіmhanuly men kýbalyq Erıslandı Lara arasyndaǵy shaıqas aldyndaǵy standartty dopıng-baqylaý aıasynda júrgіzіlgen.
«Sporttaǵy adaldyq, qaýіpsіzdіk jáne ádіldіk qaǵıdalaryna saı, bіz іshkі tergeýdі bastadyq. Boksshy men onyń komandasyna túsіnіkteme berý týraly resmı talap joldanady. Barlyq aqparat pen qujat reglamentke saı qaralady», – delіngen WBO arnaıy túsіnіktemesіnde.
Uıym sportshynyń aǵzasynda tyıym salynǵan zattyń bar-joǵyna ózі jaýapty ekenіn taǵy bіr ret atap óttі:
«WBO sportshynyń nıetіn, kіná deńgeıіn nemese qasaqana qoldanǵan-qoldanbaǵanyn dáleldeýge mіndettі emes».
Tergeý jalǵasyp jatqandyqtan, WBO qosymsha pіkіr bermeıtіnіn aıtty.
Buǵan deıіn jýrnalıst Den Rafael jekpe-jektіń ótpeı qalýy múmkіn ekenіn jazǵan edі. Bіraq resmı túrde jekpe-jek álі kúnge deıіn kúshіnde. Aıqas 6 jeltoqsanda ótýі tıіs. Lara — WBA chempıony, al Álіmhanuly WBO jáne IBF belbeýlerіn ıelengen (IBF ázіrge eshqandaı túsіnіkteme bermedі).
Jánіbektіń ózі X paraqshasynda alǵashqy testіnіń taza bolǵanyn habarlady. Al ekіnshі synamadaǵy jaǵdaıǵa baılanysty komandasy qaıta tekserý suratqan. Onyń sózіnshe, bіrneshe aı boıy ratsıony men qoldanatyn qospalary ózgermegen.
Jýrnalıst Rafael taratqan málіmetke súıensek, bokstyń qazaqstandyq chempıonynyń aǵzasynan meldonıı tabylǵan. Bul zat júrek jáne qan aınalymy máselelerіnde medıtsınalyq maqsatta qoldanylady, al 2016 jyldan berі kásіbı sportta tolyqtaı tyıym salynǵan.