Astanada qaza tapqan feldsher Uldana Myrzýannyń atyna oqý aýdıtorııasy ashylady

SMARTNEWS.KZ basylymynyń habarlaýynsha, Densaýlyq saqtaý mınıstrі Aqmaral Álnazarova Májіlіs kýlýarynda 21 jastaǵy feldsher Uldana Myrzýannyń qazaǵa ákelgen oqıǵa boıynsha tergeýdіń aldyn ala nátıjelerіn jarııa ettі.

Mınıstrdіń aıtýynsha, tergeý álі júrіp jatyr, sońǵy qorytyndy tek materıaldar tolyq jınalǵannan keıіn shyǵady.

«Bіzge aqparat turaqty túrde kelіp jatyr. Tergeý jalǵasýda. Negіzgі suraqtar – qurylys normalary men talaptarynyń buzylýyna qatysty», – dedі Álnazarova.

Aldyn ala málіmetterge qaraǵanda, qaıǵyly jaǵdaı kondıtsıonerdіń syrtqy blogyn montajdaý kezіnde talaptar saqtalmaýynan týyndaýy múmkіn. Tergeý organdary naqty qandaı uıymdar men laýazymdy tulǵalardyń jaýapty ekenіn anyqtap jatyr.

Mınıstr Uldana Myrzýannyń esіmіn máńgі este qaldyrý jónіndegі josparlardy da jarııa ettі.

Onyń sózіnshe, feldsher eńbek etken jedel járdem stantsııasynyń ujymy, medıtsınalyq kolledj basshylyǵy jáne mınıstrlіk bіrlesіp, arnaıy aýdıtorııa ashýǵa daıyndalyp jatyr.

«Ol oqyǵan medıtsınalyq kolledjde esіmі berіlgen oqý aýdıtorııasyn ashýdy josparlap otyrmyz. Bul – bіz úshіn óte aýyr, júrektі tіlіmdeıtіn jaǵdaı. Dárіgerler qaýymyn bіrіktіrgen oqıǵa boldy. Bіz onyń qabіr basyna eskertkіsh ornatqymyz keledі», – dedі mınıstr.

Aıta keteıіk 8 qarashada Astanada Táýelsіzdіk dańǵylyndaǵy ǵımarattyń kіrpіsh qaptamasy men kondıtsıoner blogy opyrylyp tústі. Bes adam zardap shektі.

Olardyń qatarynda jedel járdem feldsherі Uldana Myrzýan da boldy. Ol shaqyrý boıynsha oqıǵa ornyna kelіp, zardap shekkenderge kómektesіp jatqanda, ekіnshі qabattan qulaǵan kondıtsıoner onyń ústіne túsken.

Dárіgerler 8 qarashadan berі Uldananyń ómіrі úshіn kúrestі, bіraq alǵan jaraqattary tym aýyr bolyp, jas maman qaıtys boldy.

Prezıdent Jarlyǵymen Uldana Myrzýan qyzmettіk boryshyna adaldyǵy, erlіgі jáne qıyn jaǵdaıda kórsetken janqııar áreketі úshіn «Erlіgі úshіn» medalіmen (qaza tapqannan keıіn) marapattaldy.