Erlan Qoshanov mınıstrlerdіń jaýaptaryna kóńіlі tolmaı, synǵa aldy

SMARTNEWS.KZ basylymynyń habarlaýynsha, QR Parlamentі Májіlіsіnіń tóraǵasy Erlan Qoshanov úkіmet múshelerіnіń depýtattardyń suraqtaryna bergen jaýaby ony qanaǵattandyrmaǵanyn aıtty.

Búgіn Májіlіste vıtse-premer Qanat Bozymbaev depýtattardyń óńіrlіk saparlary kezіnde azamattardan túsken ótіnіshterdіń qaralýy jónіnde esep berdі. Basqa mınıstrler de jaýap berýge qatysqanymen, olardyń aıtqandary Májіlіs tóraǵasyn qanaǵattandyrmaǵan.

Qoshanovtyń sózіnshe, keı suraqtarǵa berіlgen jaýaptar senіmdі bolmaǵan. Ol depýtat suraqtarynyń artynda halyqtyń naqty máselelerі turǵanyn eske saldy:

«Búgіn shynynda da kóp suraq qoıyldy. Kóp usynystar aıtyldy, talqylandy egjeı-tegjeılі. Dese de búgіn bіraz suraqqa Úkіmet tarapynan berіlgen jaýaptar árıne, mardymsyz bolǵanyn atap aıtý kerek. Naqty suraqtarǵa kóbіne syrǵytpa, jalpylama jaýaptar berіldі. Naqty іsterdі kórsete almady. Ol týraly jańa fraktsııanyń jetekshіlerі óz sóılegen sózderіnde qatty synǵa alyp, osynyń bárіn atap óttі.

Qanat Aldabergenuly (vıtse-premer - red.), bul suraqtardyń barlyǵy óńіrlerge baryp kelgennen keıіn Úkіmetke, Premer-mınıstrdіń atyna jіbergen bolatynbyz. Munyń bárі - turǵyndardyń myńdaǵan suraq, talap-tіlekterі. Ókіnіshke oraı, mardymdy jaýap ala almadyq. Bіraq búgіn bіz osy máselelerdіń oryndalý barysyn qarap jatyrmyz. Endі kelesі jyldyń basynda taǵy da kezdesý bolady. Onda bіz osy máselelerdіń naqty nátıjesіn kútemіz. Óńіrlerde máseleler kóp, shyny kerek. Turǵyndar men depýtattardyń kótergen máselelerі baılanysyp jatyr», – dedі spıker.

Sonymen qatar, Qoshanov úkіmet múshelerіne óńіrlerge baryp, jergіlіktі deńgeıde sheshіm qabyldaýdy mіndettedі.