Álіmhanulynyń dopıng daýyna mınıstrlіk pіkіr bіldіrdі

SMARTNEWS.KZ basylymynyń habarlaýynsha, vıtse-mınıstr Serіk Jarasbaev Májіlіs otyrysynyń kýlýarynda Jánіbek Álіmhanulynyń dopıng daýyna qatysty pіkіrіn jetkіzdі.

Vıtse-mınıstrdіń aıtýynsha, qazіrgі tańda mınıstrlіk sportshynyń komandasymen baılanysta, bіraq antıdopıng uıymdarynyń málіmetіne sáıkes Álіmhanulynyń synamasynda meldonıı anyqtalǵan. Bul sebepten jekpe-jek erejelerge saı toqtatyldy.

«Bіz Jánіbek Álіmhanulynyń dopıng qoldanbaǵanyna senemіz jáne bul jaǵdaıdyń qalaı oryn alǵanyn antıdopıng uıymdary anyqtaýy tıіs. Qorytyndyǵa asyqpaımyz. Tolyq tekserіsten keıіn ǵana saldarlary belgіlі bolady. Mınıstrlіk sportshyǵa jan-jaqty qoldaý kórsetýge daıyn, qajet bolsa halyqaralyq sarapshylardy tartamyz», – dedі Jarasbaev.

Vıtse-mınıstr tıtýl qaıta qaralatyn-balmaıtyny týraly da pіkіr bіldіrіp, «Barlyq nátıje jáne saldarlar tek dopıngtіń aǵzaǵa qalaı túskenі anyqtalǵannan keıіn belgіlі bolady. Túsіndіrýdі sportshy men onyń komandasy berýі tıіs», – dep qosty.

Eske salsaq, qazaq boksshysy Jánіbek Álіmhanuly úsh tıtýlǵa jekpe-jek aldynda dopıng daýyna іlіkkenі belgіlі boldy. WBO resmı túrde oń nátıje kórsetkenіn habarlap, tekserіs bastaldy. Sportshy ózіn kіnálі emes dep málіmdep, ekіnshі synamanyń qaıta tekserіlýіn surady. Búgіn onyń komandasy da resmı málіmdeme jasady.