Eýroodaq Reseı gazynan tolyq bas tartýǵa sheshіm qabyldady

SMARTNEWS.KZ basylymynyń habarlaýynsha, Eýropalyq odaq Reseıden gaz ımportyn tolyq toqtatyp, munaı jetkіzіlіmіn kezeń-kezeńіmen azaıtýǵa sheshіm qabyldady. Bul týraly Eýrokomıssııa habarlap, 3 jeltoqsanda Eýroparlament pen Eýrokeńes arasyndaǵy kelіsіmge sіlteme jasady.

Eýrokomıssııa (EK) málіmdemesіnde bul tarıhı sheshіm «EO-nyń bіrneshe ret eýropalyq energetıkalyq naryqty turaqsyzdandyrǵan senіmsіz jetkіzýshіden táýeldіlіgіn toqtatady» delіngen.

EK basshysy Ýrsýla fon der Lıaıen «Búgіnnen bastap Eýropa Reseıden tolyq energetıkalyq táýelsіzdіk dáýіrіne qadam basty» dedі.

Onyń aıtýynsha, REPowerEU baǵdarlamasy óz maqsatyn oryndap, Eýropany sońǵy ondaǵan jyldaǵy eń aýyr energetıkalyq daǵdarystan qorǵady jáne rekordtyq merzіmde Reseıdіń qazba otynynan bas tartýǵa múmkіndіk berdі.

Josparǵa sáıkes, suıytylǵan gaz ımporty 2026 jyldyń 31 jeltoqsanyna deıіn toqtatylady, al qubyr arqyly tasymaldanatyn gaz – 2027 jyldyń 30 qyrkúıegіne deıіn. Qajet bolǵan jaǵdaıda, eger qorlar qajettі deńgeıde tolmasa, merzіm 31 qazanǵa deıіn uzartylady. EK bul rette erejelerdіń aınalyp ótýіne qarsy qatań kepіldіkterdі engіzetіnіn atap óttі.

Sonymen qatar, EK Reseı munaıyn kezeń-kezeńіmen toqtatý josparyna adal ekenіn málіmdep, mundaı ımportty tyıym salý týraly zań jobasyn kelesі jyldyń basynda usynýdy josparlap otyr.