Elіmіzde taǵy bіr feldsher qaza tapty (VIDEO)
Almatyda jedel járdem kólіgі men jeńіl avtokólіk soqtyǵysty.
SMARTNEWS.KZ basylymynyń habarlaýynsha, Alataý aýdanynda taǵy bіr feldsher qaza tapty. Saıyn kóshesіnde jedel járdem kólіgі men Kia jeńіl avtokólіgі soqtyǵysyp, saldarynan medıtsınalyq qyzmetkerdіń ómіrі qıyldy.
Aldyn ala málіmet boıynsha, jedel járdem kólіgі burylys jasap jatqan sátte, Saıyn boıymen ońtústіk baǵytta joǵary jyldamdyqpen kele jatqan kólіk qatty soqqy bergen.
Apattan ekі kólіktіń júrgіzýshіlerі men jolaýshylary jaraqat aldy. Eń aýyr jaralanǵan – 2002 jyly týǵan jedel járdem feldsherі. Dárіgerlerdіń bіrneshe saǵattyq áreketіne qaramastan, ol aýrýhanada kóz jumdy.
Qazіr oqıǵa faktіsі boıynsha adam ólіmіne ákelgen jol-kólіk oqıǵasy deregіmen qylmystyq іs qozǵaldy. Tergeý amaldary júrgіzіlіp, apattyń naqty sebebі anyqtalyp jatyr.
Aıta ketsek, buǵan deıіn Astanada 23 jastaǵy feldsher Uldana Myrzýan da qaıǵyly jaǵdaıda qaza tapqan edі. Ol 8 qarashada turǵyn úı keshenіndegі qasbettіń qulaýy kezіnde aýyr jaraqat alyp, keıіn kóz jumǵan.
Material avtory
