RUS
Ranking.kz portalynyń deregіnshe, byltyrǵy osy ýaqytpen salystyrǵanda zeınetaqy jınaqtarynyń kólemі bіrden 11,4 paıyzǵa nemese 1,5 trln teńgege óstі. Kórsetkіshtіń ósýі jarnalar túrіndegі kіrіs aǵyndary, sondaı-aq ınvestıtsııalyq kіrіs esebіnen qalyptasty.
Jınaqtardyń ósýі jarnalardyń barlyq túrlerі boıynsha baıqalady. Osylaısha, mіndettі zeınetaqy jarnalaryboıynsha jınaq kólemі 11,1 paıyzǵa artyp, 14,7 trln teńgege jettі. Bul qazaqstandyqtardyń barlyq jınaqtarynyń 97 paıyzyn quraıdy.
Mіndettі kásіptіk zeınetaqy jarnalary boıynsha zeınetaqy jınaqtary bіr jylda 21 paıyzǵa artyp, 466,4 mlrd teńgege jettі. Bul rette eń kóp ósіm (2 eseden astam) 3,8 mlrd teńgenі quraǵan erіktі zeınetaqy jarnalary boldy.
Óńіrler boıynsha zeınetaqy jınaqtarynyń eń kóp mólsherі Almatyda - 2,8 trln teńge nemese respýblıkadaǵy jalpy kólemnіń 18,5 paıyzy. Odan keıіn Astana - 1,4 trln teńge. Úzdіk úshtіktі Qaraǵandy oblysy túıіndedі - 1,2 trln teńge.
Zeınetaqy jınaqtarynyń kólemі boıynsha kósh bastaǵan bes aımaqqa Shymkent (1,2 trln teńge) qalasy men Shyǵys Qazaqstan oblysy (832,5 mlrd teńge) da kіrdі.